Búgin Qyzylorda oblysynda koronavirýs infektsiiasyn juqtyrýdyń jańa 9 deregi tirkeldi, dep habarlaidy "Ult aqparat".
Naýqastardyń barlyǵy Jańaqorǵan aýdanynan anyqtaldy. Olardyń úsheýi 30-53 jas aralyǵyndaǵy áiel adamdar. Al altaýy er adamdar, olardyń arasynda eń úlkeni - 83 jasta.
«Naýqas 8 adam koronavirýstyq infektsiiamen aýyrǵan adammen bailanysta bolǵan. Al bireýiniń indetti qalai juqtyrǵandyǵy boiynsha epidemiologiialyq zertteý júrgizilýde. Qazirgi tańda naýqastarmen qarym-qatynasta bolǵan adamdar anyqtalyp jatyr. Olar der kezinde meditsinalyq baqylaýǵa alynyp, oqshaýlanyp, tekseristen ótýde. Naýqastar bekitilgen hattamaǵa sáikes em qabyldap jatyr. Aýrý oshaqtary zalalsyzdandyryldy», - dep málim etti oblystyq taýarlar men qyzmetterdiń sapasy men qaýipsizdigin baqylaý departamenti.
Qazir oblysta qaýipti indetti juqtyrǵandardyń sany 143-ke jetti . Onyń ishinde 6 adam emdelip shyqty. Al em qabyldap jatqany - 137 adam.
