بٷگٸن قىزىلوردا وبلىسىندا كوروناۆيرۋس ينفەكتسيياسىن جۇقتىرۋدىڭ جاڭا 9 دەرەگٸ تٸركەلدٸ, دەپ حابارلايدى "ۇلت اقپارات".
ناۋقاستاردىڭ بارلىعى جاڭاقورعان اۋدانىنان انىقتالدى. ولاردىڭ ٷشەۋٸ 30-53 جاس ارالىعىنداعى ەيەل ادامدار. ال التاۋى ەر ادامدار, ولاردىڭ اراسىندا ەڭ ٷلكەنٸ - 83 جاستا.
«ناۋقاس 8 ادام كوروناۆيرۋستىق ينفەكتسييامەن اۋىرعان اداممەن بايلانىستا بولعان. ال بٸرەۋٸنٸڭ ٸندەتتٸ قالاي جۇقتىرعاندىعى بويىنشا ەپيدەميولوگييالىق زەرتتەۋ جٷرگٸزٸلۋدە. قازٸرگٸ تاڭدا ناۋقاستارمەن قارىم-قاتىناستا بولعان ادامدار انىقتالىپ جاتىر. ولار دەر كەزٸندە مەديتسينالىق باقىلاۋعا الىنىپ, وقشاۋلانىپ, تەكسەرٸستەن ٶتۋدە. ناۋقاستار بەكٸتٸلگەن حاتتاماعا سەيكەس ەم قابىلداپ جاتىر. اۋرۋ وشاقتارى زالالسىزداندىرىلدى», - دەپ مەلٸم ەتتٸ وبلىستىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ.
قازٸر وبلىستا قاۋٸپتٸ ٸندەتتٸ جۇقتىرعانداردىڭ سانى 143-كە جەتتٸ . ونىڭ ٸشٸندە 6 ادام ەمدەلٸپ شىقتى. ال ەم قابىلداپ جاتقانى - 137 ادام.
