Qyzylorda oblysynda búginnen bastap karantin talaptary birshama jeńildetildi, dep habarlaidy "Ult aqparat".
Bul jóninde Qyzylorda oblystyq sanitariialyq-epidemiologiialyq baqylaý departamentinen málim etti.
Osy oraida Qyzylorda oblysy bas memlekettik sanitariialyq dárigeriniń arnaiy qaýlysy shyqqan.
Endigi kezekte ekinshi toqsannan bastap qala jáne aýyl mektepterinde synyptaǵy balalar sanyn 15 adamnan asyrmai dástúrli formatta oqytýǵa bolady. Onda kontingent 300 oqýshyǵa deiin bolýy tiis.
Ata-analardyń ótinishimen synyptaǵy balalardyń sanyn 15-ten asyrmai kezekshi synyptar uiymdastyrylady. Ol jalpy bilim beretin mektepterde 1 men 5, halyqaralyq mektepterde 7 synypqa deiingi aralyqty qamtidy.
Sondai-aq, óńirdegi teatr qyzmetinde zaldy 50 paiyzǵa deiin toltyrýǵa ruqsat etildi. Basty talap - zaldaǵy adam sany 100-den aspaýy tiis. Oǵan qosa maska rejimi jáne áleýmettik qashyqtyq talaptary nazarǵa alynady.
Qaýlyda kórsetilgenindei, dini nysandar men meshitterde qudaiǵa qulshylyq etý sharasyn sanitarlyq-dezinfektsiialyq rejimdi qatań saqtai otyryp ótkizýge bolady. Bul jaǵdaida zaldyń syiymdylyǵy 30 paiyzdan nemese 100 adamnan aspaýy tiis.
