Qyzylorda oblysynda jalǵan diplommen qyzmet atqarǵan 112 muǵalim anyqtaldy, dep habarlaidy QazAqparat.
Bul jóninde oblystyq bilim basqarmasynyń basshysy Aqzira Qasymova áleýmettik jelidegi paraqshasynda jazdy.
Joǵary oqý oryndaryna suraý salý monitoringi nátijesinde oblys boiynsha jalǵan diplommen 112 deregi anyqtalǵan. Ol boiynsha quzyrly organǵa usynym joldanǵan.
Sondai-aq, ótken jyldyń qańtar-maýsym ailarynda attestattaý komissiiasymen 863 qujatty qaralyp, 24 muǵalimnen jalǵan qujattyń izi baiqalǵan.
Al, shilde-jeltoqsan aralyǵynda 14 muǵalim túpnusqany dáleldei almady.
Alaida, árbir pedagogtan túsinikteme alyp, jalaqyǵa ústeme tóleý isinde biýdjetke shyǵyn keltirmeýge nazar aýdaryldy.
Atalǵan derekterdiń árbiri pedagogtik ádep jónindegi keńesterde qaralýda.
«Biz oblystyq deńgeide jyl saiyn pedagogtardy attestatsiialaý barysynda muǵalimderdiń portfolioǵa jalǵan qujattardy salý jaǵdaiyn anyqtap kelemiz. Ásirese kúmán keltiretin qujattardy (sertifikat, gramota) ulttyq biliktilik testileýdiń túpnusqaǵa sáikestigin naqtylaý isin ashyq júrgiziledi. Teris áreketterge qatysty derekterdi der kezinde anyqtaý mán berilýde», - dedi basqarma basshysy.
