Qyzylorda men Túrkistan oblystaryna kúrish alqaptaryn qysqartý usynyldy. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov aitty, dep habarlaidy QazAqparat.
«Qyzylorda oblysy boiynsha magistraldyq jáne sharýashylyqaralyq kanaldardy mehanikalyq tazalaý júrgizilýde. 67 qosymsha sorǵy satyp alý josparlanýda. Sondai-aq sýarmaly sýdy utymdy bólý jáne sý bólý boiynsha sharalar qabyldanatyn bolady. Budan basqa, ótken jyldyń tájiribesi boiynsha sýarý kezektiligi jáne kollektorlyq-drenajdyq sýlardy qaita paidalaný qoldanylatyn bolady. Qalyptasqan jaǵdaidy eskerip, ákimdikke kúrish egisin qysqartý usynyldy», - dedi ol ministrliktiń alqa májilisinde.
Vitse-ministr Túrkistan oblysy boiynsha (Maqtaral jáne Jetisai aýdandaryndaǵy Dostyq kanalynyń egis alqaptarynda kúrish egisterin joiý usynylǵanyn aitty.
«Sondai-aq, magistraldy jáne sharýashylyqaralyq kanaldardy tazartý jumystary júrgizilýde. Kollektorlyq-drenajdyq sýlardy qaita paidalaný úshin qosymsha sorǵylardy satyp alý jumystary júrgizilýde. Syrdariia ózeniniń aǵysyn eskere otyryp, Kóksaraiǵa sýdyń jetpeý qaýpi joǵary. Osyǵan bailanysty Túrkistan oblysynyń ákimdigine Kóksarai kontrrettegishi aýmaǵyndaǵy jerlerde egistikti ekpeý usynyldy», - dedi Serik Qojaniiazov.
