قىزىلوردا مەن تٷركٸستان وبلىستارىنا كٷرٸش القاپتارىن قىسقارتۋ ۇسىنىلدى. بۇل تۋرالى قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸك قوجانييازوۆ ايتتى, دەپ حابارلايدى قازاقپارات.
«قىزىلوردا وبلىسى بويىنشا ماگيسترالدىق جەنە شارۋاشىلىقارالىق كانالداردى مەحانيكالىق تازالاۋ جٷرگٸزٸلۋدە. 67 قوسىمشا سورعى ساتىپ الۋ جوسپارلانۋدا. سونداي-اق سۋارمالى سۋدى ۇتىمدى بٶلۋ جەنە سۋ بٶلۋ بويىنشا شارالار قابىلداناتىن بولادى. بۇدان باسقا, ٶتكەن جىلدىڭ تەجٸريبەسٸ بويىنشا سۋارۋ كەزەكتٸلٸگٸ جەنە كوللەكتورلىق-درەناجدىق سۋلاردى قايتا پايدالانۋ قولدانىلاتىن بولادى. قالىپتاسقان جاعدايدى ەسكەرٸپ, ەكٸمدٸككە كٷرٸش ەگٸسٸن قىسقارتۋ ۇسىنىلدى», - دەدٸ ول مينيسترلٸكتٸڭ القا مەجٸلٸسٸندە.
ۆيتسە-مينيستر تٷركٸستان وبلىسى بويىنشا (ماقتارال جەنە جەتٸساي اۋداندارىنداعى دوستىق كانالىنىڭ ەگٸس القاپتارىندا كٷرٸش ەگٸستەرٸن جويۋ ۇسىنىلعانىن ايتتى.
«سونداي-اق, ماگيسترالدى جەنە شارۋاشىلىقارالىق كانالداردى تازارتۋ جۇمىستارى جٷرگٸزٸلۋدە. كوللەكتورلىق-درەناجدىق سۋلاردى قايتا پايدالانۋ ٷشٸن قوسىمشا سورعىلاردى ساتىپ الۋ جۇمىستارى جٷرگٸزٸلۋدە. سىردارييا ٶزەنٸنٸڭ اعىسىن ەسكەرە وتىرىپ, كٶكسارايعا سۋدىڭ جەتپەۋ قاۋپٸ جوعارى. وسىعان بايلانىستى تٷركٸستان وبلىسىنىڭ ەكٸمدٸگٸنە كٶكساراي كونتررەتتەگٸشٸ اۋماعىنداعى جەرلەردە ەگٸستٸكتٸ ەكپەۋ ۇسىنىلدى», - دەدٸ سەرٸك قوجانييازوۆ.
