Foto: vedomstvodan
Qyzylorda qalasynda «Ohotzooprom» ÓB» RMQK inspektorlary, Qyzylorda oblysy politsiia departamentiniń qyzmetkerleri jáne tabiǵat qorǵaý politsiiasy birlesip júrgizgen reidtik jáne jedel izdestirý is-sharalary barysynda zańsyz ań aýlaý, sondai-aq janýarlardyń bólshekteri men derivattaryn saqtaý faktileri anyqtaldy, dep habarlaidy Ult.kz.
Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetinen málim etkenindei, arnaiy reid barysynda «Volkswagen Crafter» avtokóligindegi úsh adam ustaldy. Politseiler olardy toqtatýǵa áreket jasaǵan kezde kúdiktiler zańdy talaptarǵa baǵynbai, aýla arqyly qashýǵa tyrysqan.
Kólikti tekserý barysynda syrtqy belgileri boiynsha aqbókenge uqsas 39 bas bólshektelgen janýar ushasy tabyldy.
"Keiinnen ustalǵandardyń bailanystary tekserilip, Qyzylorda qalasyndaǵy úilerdiń birinde tintý júrgizildi. Nátijesinde kiikke uqsas, ishki músheleri tazartylǵan 84 janýardyń ushasy, sondai-aq terileri tárkilendi. Atalǵan qylmysty jasady degen kúdikpen taǵy úsh jergilikti turǵyn ustaldy. Osy faktiler boiynsha QK 339-babyna sáikes qylmystyq ister qozǵaldy", — dep habarlady vedomstvodan.
