Qyzylorda oblysynyń ákimi Qyrymbek Kósherbaev Germaniia jáne Qytai memleketterinde ótken sporttyq jarystardyń júldegerlerimen kezdesti, dep habarlaidy "Ult aqparat" oblys ákiminiń bapsasóz qyzmetine silteme jasap.
Oblys ákimi halyqaralyq jarystarda júldeger atanǵan Qamshybek Qońqabaevqa avtokólik kiltin, Rústem Sybaiǵa 2 mln teńge, al olardyń bapkerlerine 500 myń teńgeniń sertifikattaryn tabystady.
Esterińizge sala keteiik, Gambýrgte 25 tamyz ben 2 qyrkúiek aralyǵynda bokstan áýesqoilar arasynda ótken HIH álem chempionatynda Qazaqstan quramasy 1 altyn, 2 kúmis, 3 qola júldeni oljalap, jalpykomandalyq esepte 3-shi oryndy ielengen bolatyn. Jerlesimiz Qamshybek Qońqabaev «kúmis» medaldiń iegeri atandy.
Ziltemirshi Rústem Sybai da 19-30 tamyz aralyǵyndla Qytaidyń Taibei qalasynda ótken 29-shy búkilálemdik jazǵy Ýniversiadada 2-shi oryndy jeńip aldy.
Oblys ákimi sportshylardy jeńisterimen quttyqtap, Ońtústik Koreiada ótetin Aziia oiyndarynda jáne 2020 jyly Tokioda ótetin Olimpiadada jarystarynda sáttilik tiledi.
"Eńbeksiz jeńis te bolmaidy. Qos sportshynyń júldesi jastardyń jigerin jandyryp, jańa biikterge jeteleidi. Sizder bizdiń elimizdiń halyqaralyq sporttaǵy mártebesiniń joǵary ekendigin dáleldep, jattyqtyrýshylar men jankúierlerdiń ǵana emes, barsha qazaqstandyqtardyń úmitin aqtadyńyzdar", - dedi aimaq basshysy.
Sportshylar óz kezeginde saiystan alǵan áserlerimen bólisip, barsha tileýlesterine alǵystaryn bildirdi.
