Jangeldin aýdandyq soty Qostanai aýdanynyń 31 jastaǵy turǵynyna qatysty qylmystyq isti qarady, dep habarlaidy "Ult aqparat" oblystyq sottyń baspasóz qyzmetine silteme jasap.
Qostanai aýdanynyń turǵyny K. QR QK 339 baby boiynsha aiyptalýda. Ol sirek kezdesetin jáne quryp ketý qaýpi bar eki bezgeldek (latynsha ataýy - «Otistetrax») qusyn atqan. Bul qus Qazaqstan Respýblikasynyń "Qyzyl kitabyna" engizilgen.
Sot sheshimimen azamat K. aiypty dep tanyldy. Oǵan 2 jyl merzimge bas bostandyǵynan aiyrý jazasy taǵaiyndalyp, probatsiialyq baqylaý ornatyldy. Buǵan qosa, sottalǵan K.-den keltirilgen ziiannyń ornyn toltyrý úshin memleket paidasyna 453 800 teńge qarajat óndirildi.
Úkim zańdy kúshine engen joq.
