Betpaqdalanyń Jambyl oblysy quramyna kiretin aýmaǵynan brakonerler ustaldy. Olar eki adam, Saýd Arabiiasynyń sheihtary bolyp shyqty, dep jazady Zamana.
Bul adamdar Qyzyl kitapqa engizilgen ańdar men qustardy aýlaýmen ainalysypty. Politseiler olardan 12-shi uńǵyly ańshy myltyǵy men qapshyqqa salynǵan 6 qarabaýyr buldyryq jáne 1 dýadaq tárkilegen.
Mine, osyndai qylmyspen qolǵa túsken adamdar zań aldynda jaýap berýi kerek edi. Ókinishke orai, Jambyl oblystyq prokýratýrasynyń qyzmetkerleri politseilerdiń isin zańsyz dep taýyp, sheihtardy bosatyp jiberipti. Tiisinshe, politseiler osyǵan narazy bolýda. Al prokýratýra qyzmetkerleri ázirge kináliler eshqaida kete almaidy, zań aldynda jaýap beredi dep sendirip otyr.
Negizi, mundai zań buzýshylyq úshin kinálige 6 million teńge aiyppul salynady nemese 3 jylǵa deiin bas bostandyǵynan aiyrý jazasy beriledi eken. Soǵan qaraǵanda, bul sheihtar jazadan aiyppul tólep-aq qutylatyn shyǵar. Al olardyń qolynan ólgen qustardyń qaita tirilmeitini belgili.
Kózdiń qarashyǵyndai qorǵalýy tiis qustarymyzdy árkim kelip osylaisha qyryp kete berse, ultymyzǵa hám namysymyzǵa syn. Sondyqtan ondailardy qatań jazalaǵan áldeqaida ádiletti bolar edi-aý.
