QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov qyzmetkerlerdiń sybailas jemqorlyǵy úshin basshylardyń jaýapkershilik institýtyn iske asyrý barysy týraly baiandady, dep habarlaidy QazAqparat.
«Saiasi basshylardyń otstavkaǵa ketýine qatysty toqtalsaq, zańnamalyq norma engizilgen sátten bastap 7 sheneýnik qyzmetinen bosatyldy. 10 ákim túrli tártiptik jaýapqa tartyldy. Sońǵy ister boiynsha aitsaq, óz orynbasaryna qatysty sot úkimin kútpei Aqmola oblysy Arshaly aýdanynyń ákimi otstavkaǵa ketti. Biylǵy 12 aqpanda otstavka qabyldandy», - dedi D. Bekaidarov.
Sonymen qatar ol birinshi basshylardyń tártiptik jaýapkershiligine qatysty málimet aitty.
«Baǵynyshtylardyń sybailas jemqorlyǵy jáne aldyn alý jumysynyń álsizdigi úshin 54 birinshi basshy tártiptik jaýapqa tartyldy, onyń 48-i ákimshilik qyzmetshi jáne altaýy kvazimemlekettik sektordyń top-menedjeri. Olardyń 13-i óz laýazymdarynan aiyryldy. Jalpy qazirgi ýaqytta 71 basqarýshy monitoringte, onyń ishinde 15-i saiasi memlekettik qyzmetshi, 47 ákimshilik jáne 9 kvazimemlekettik sektor sýbektileriniń top-menedjeri bar», - dedi Daniiar Bekaidarov.
