Úkimettiń kezekti otyrysyn ashqan Premer-Ministr Baqytjan Saǵyntaev kún tártibinen tys elimizdegi qatty sýyqqa qatysty máselelerge toqtalyp, birqatar naqty tapsyrmalar berdi, dep habarlaidy "Ult aqparat".
Premer-Ministr gidrometeorologtardyń málimetteri boiynsha mundai aýa raiy taǵy birneshe táýlik saqtalatynyn atap ótti. Qazirgi ýaqytta elimizdiń alty óńirinde aýa raiy temperatýrasy 30-35°C tómen. Taiaý ýaqytta osyndai sýyq ońtústiktegi tórt óńirde kútilýde.
Osyǵan bailanysty, Baqytjan Saǵyntaev ákimdikterge jylý jelileri jumysynyń, ásirese shaǵyn qalalardaǵy shaǵyn qazandyqtarda temperatýralyq kesteni saqtaý boiynsha qosymsha sharalar qabyldaýdy tapsyrdy.
«Áleýmettik nysandar – aýrýhanalarǵa, mektepterge jáne balabaqshalarǵa erekshe kóńil bólý kerek. Oqý oryndarynda sabaqtyń bolmaityny týraly habar halyqqa barlyq qoljetimdi tásildermen ýaqytyly jetkizilýi tiis», — dedi Baqytjan Saǵyntaev.
Premer-Ministr qoǵamdyq kólik naqty keste boiynsha jumys isteýi kerektigin atap ótti. Barlyq ákimdikter óz qyzmetkerleriniń kezekshilik kestesin ázirleýi tiis. 112 biryńǵai kezekshilik dispetcherlik qyzmet jelisi artqan júktemeni eskere otyryp, úzdiksiz jumys isteýi kerek.
Ishki ister ministrligine avtojoldarda yqpaldy baqylaýdy qamtamasyz etý tapsyryldy. Qajet bolǵan jaǵdaida kóliktiń barlyq túrleriniń eldi mekenderden shyǵýyn shekteý boiynsha ýaqytyly sheshim qabyldaý jáne belsendi túsindirý jumystaryn júrgizý kerek. Ákimdiktermen birge júrgizýshiler men jolaýshylarǵa jyljymaly jylyný beketterin, olarǵa arnap ystyq tamaqtanýdy uiymdastyrý qajet. Sondai-aq, apattan qutqarý brigadalarynyń kezekshiligin, jedel jáne meditsinalyq qyzmetterdi súiemeldeýdi qamtamasyz etý kerek.
«Osy eń sýyq kezeń barlyq qyzmetter úshin aiqyn ári tártipke sai ótýi tiis. Memlekettik organdar men uiymdardyń, jeke kompaniialardyń basshylaryna jeke aitarym, qyzmetkerlerińizdi jumys oryndarynda keshke deiin ustamańyzdar. Múmkindiginshe ortalyqtandyrylǵan qyzmetkerlerdi jetkizip salýdy uiymdastyrǵan jón», — dep basa aitty Baqytjan Saǵyntaev.
Atalǵan máselelerdi erekshe baqylaýda ustaý Premer-Ministrdiń birinshi orynbasary Asqar Maminge tapsyryldy.
