Basshy qyzmetkeri jemqorlyqqa urynsa, laýazymynan birden bosatylady. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy "Ult aqparat".
«2020 jyly qaramaǵyndaǵy qyzmetkerlerdiń sybailas jemqorlyq áreketteri úshin 6 saiasi qyzmetshi otstavkaǵa jiberilip, 9 saiasi qyzmetker, sondai-aq ákimshilik memlekettik qyzmet laýazymyndaǵy 39 basshy jáne kvazimemlekettik sektordyń 5 top-menedjeri tártiptik jaýapkershilikke tartyldy», - dedi Alik Shpekbaev agenttiktiń alqa otyrysynda.
Sonymen qatar ol otstavka týraly jańalyqtar azamattar men BAQ-tyń jiti nazarynda ekenin erekshe atap ótti.
«Barlyǵy basshy bolýǵa umtylady, biraq kez-kelgeni qaramaǵyndaǵy qyzmetkeri úshin jaýapkershilik alýǵa daiyn emes. Otstavkaǵa ketý týraly jai ótinish berý jáne is júzinde otstavkaǵa ketý – ekitúrli áreket. Jii beriletin eskertýler men sógister azamattardyń tek ashýyn týǵyzady. Sondyqtan, zańmen qosa moraldik-etikalyq qaǵidattardy da basshylyqqa alatyn ýaqyt keldi. Osy turǵyda biz keńesip, agenttik qyzmetkeri sybailas jemqorlyq quqyq buzýshylyqqa jol berse onyń tikelei basshysyn atqaratyn laýazymynan birden bosatý týraly sheshim qabyldadyq. Tek basshylar sybailas jemqorlyq faktisin óz betinshe anyqtap, jolyn kesken jaǵdailarda ǵana qoldanylmaidy», - dedi agenttik basshysy.
