باسشى قىزمەتكەرٸ جەمقورلىققا ۇرىنسا, لاۋازىمىنان بٸردەن بوساتىلادى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ايتتى, دەپ حابارلايدى "ۇلت اقپارات".
«2020 جىلى قاراماعىنداعى قىزمەتكەرلەردٸڭ سىبايلاس جەمقورلىق ەرەكەتتەرٸ ٷشٸن 6 ساياسي قىزمەتشٸ وتستاۆكاعا جٸبەرٸلٸپ, 9 ساياسي قىزمەتكەر, سونداي-اق ەكٸمشٸلٸك مەملەكەتتٸك قىزمەت لاۋازىمىنداعى 39 باسشى جەنە كۆازيمەملەكەتتٸك سەكتوردىڭ 5 توپ-مەنەدجەرٸ تەرتٸپتٸك جاۋاپكەرشٸلٸككە تارتىلدى», - دەدٸ اليك شپەكباەۆ اگەنتتٸكتٸڭ القا وتىرىسىندا.
سونىمەن قاتار ول وتستاۆكا تۋرالى جاڭالىقتار ازاماتتار مەن باق-تىڭ جٸتٸ نازارىندا ەكەنٸن ەرەكشە اتاپ ٶتتٸ.
«بارلىعى باسشى بولۋعا ۇمتىلادى, بٸراق كەز-كەلگەنٸ قاراماعىنداعى قىزمەتكەرٸ ٷشٸن جاۋاپكەرشٸلٸك الۋعا دايىن ەمەس. وتستاۆكاعا كەتۋ تۋرالى جاي ٶتٸنٸش بەرۋ جەنە ٸس جٷزٸندە وتستاۆكاعا كەتۋ – ەكٸتٷرلٸ ەرەكەت. جيٸ بەرٸلەتٸن ەسكەرتۋلەر مەن سٶگٸستەر ازاماتتاردىڭ تەك اشۋىن تۋعىزادى. سوندىقتان, زاڭمەن قوسا مورالدٸك-ەتيكالىق قاعيداتتاردى دا باسشىلىققا الاتىن ۋاقىت كەلدٸ. وسى تۇرعىدا بٸز كەڭەسٸپ, اگەنتتٸك قىزمەتكەرٸ سىبايلاس جەمقورلىق قۇقىق بۇزۋشىلىققا جول بەرسە ونىڭ تٸكەلەي باسشىسىن اتقاراتىن لاۋازىمىنان بٸردەن بوساتۋ تۋرالى شەشٸم قابىلدادىق. تەك باسشىلار سىبايلاس جەمقورلىق فاكتٸسٸن ٶز بەتٸنشە انىقتاپ, جولىن كەسكەن جاعدايلاردا عانا قولدانىلمايدى», - دەدٸ اگەنتتٸك باسشىسى.
