Páter ieleri kooperativteriniń ornyna múlik ieleri birlestigin qurý arqyly kommýnaldyq shyǵyndardy azaitýǵa bolady. Bul týraly QR «Ulttyq kooperativter jáne ekonomikalyq qoǵamdastyqtarynyń basqa da nysandary qaýymdastyǵy» zańdy tulǵalar birlestiginiń prezidenti Qazybek Shaih aitty, dep habarlaidy QazAqparat.
«Turǵyn úi-kommýnaldyq sharýashylyǵyndaǵy reforma Qazaqstan azamattary úshin bárin basynan bastap, ómirin jaqsartýdyń múmkindigi ekenin túsinseńizder eken. Úi keńesteriniń quzyry kúsheitiledi. Páter ieleri kooperativteri men turǵyndar arasyndaǵy bailanys qalypqa keledi. PIK-ter durys jumys istep turǵan jerde eshkim eshkimdi ornynan qozǵaiyn dep jatqan joq. Turǵyndar úshin bárin basynan bastaýdyń múmkindigi bolsa, PIK tóraǵalary úshin bul olardyń óz uiymdaryn servistik basqarý qyzmetine aýystyrýdyń tetigi bola alady. Óitkeni PIK tóraǵalary osy saladaǵy tájiribeli basqarýshylar ekenin eshkim joqqa shyǵarmaidy. Mundai bilikti adamdardy joǵaltýǵa bolmaidy. PIK jumysy sapaly ujymdarda turǵyndar da oǵan múddeli emes», - dedi Qazybek Shaih ortalyq kommýnikatsiialar qyzmetinde ótken brifingide.
Sondai-aq, ol eski modelde jabysyp qalý da durys emes ekenin eskertti.
«Bárin basynan bastaǵandyqtan, múlik ieleri birlestikteri baǵdarlamalardy iske asyra alady. Bizdiń Ulttyq kooperativter jáne ekonomikalyq qoǵamdastyqtarynyń basqa da nysandary qaýymdastyǵy múlik ieleri birlestikteriniń múshelerin uiym qyzmetine jańa baǵdarlamalar engizý arqyly kommýnaldyq tólem qunyn qalai tómendetýge bolatynyn úiretedi. Turǵyndar kooperatsiiasyn uiymdastyrýdaǵy negizgi maqsattyń biri - osy», - dedi qaýymdastyq tóraǵasy.
