پەتەر يەلەرٸ كووپەراتيۆتەرٸنٸڭ ورنىنا مٷلٸك يەلەرٸ بٸرلەستٸگٸن قۇرۋ ارقىلى كوممۋنالدىق شىعىنداردى ازايتۋعا بولادى. بۇل تۋرالى قر «ۇلتتىق كووپەراتيۆتەر جەنە ەكونوميكالىق قوعامداستىقتارىنىڭ باسقا دا نىساندارى قاۋىمداستىعى» زاڭدى تۇلعالار بٸرلەستٸگٸنٸڭ پرەزيدەنتٸ قازىبەك شايح ايتتى, دەپ حابارلايدى قازاقپارات.
«تۇرعىن ٷي-كوممۋنالدىق شارۋاشىلىعىنداعى رەفورما قازاقستان ازاماتتارى ٷشٸن بەرٸن باسىنان باستاپ, ٶمٸرٸن جاقسارتۋدىڭ مٷمكٸندٸگٸ ەكەنٸن تٷسٸنسەڭٸزدەر ەكەن. ٷي كەڭەستەرٸنٸڭ قۇزىرى كٷشەيتٸلەدٸ. پەتەر يەلەرٸ كووپەراتيۆتەرٸ مەن تۇرعىندار اراسىنداعى بايلانىس قالىپقا كەلەدٸ. پيك-تەر دۇرىس جۇمىس ٸستەپ تۇرعان جەردە ەشكٸم ەشكٸمدٸ ورنىنان قوزعايىن دەپ جاتقان جوق. تۇرعىندار ٷشٸن بەرٸن باسىنان باستاۋدىڭ مٷمكٸندٸگٸ بولسا, پيك تٶراعالارى ٷشٸن بۇل ولاردىڭ ٶز ۇيىمدارىن سەرۆيستٸك باسقارۋ قىزمەتٸنە اۋىستىرۋدىڭ تەتٸگٸ بولا الادى. ٶيتكەنٸ پيك تٶراعالارى وسى سالاداعى تەجٸريبەلٸ باسقارۋشىلار ەكەنٸن ەشكٸم جوققا شىعارمايدى. مۇنداي بٸلٸكتٸ ادامداردى جوعالتۋعا بولمايدى. پيك جۇمىسى ساپالى ۇجىمداردا تۇرعىندار دا وعان مٷددەلٸ ەمەس», - دەدٸ قازىبەك شايح ورتالىق كوممۋنيكاتسييالار قىزمەتٸندە ٶتكەن بريفينگٸدە.
سونداي-اق, ول ەسكٸ مودەلدە جابىسىپ قالۋ دا دۇرىس ەمەس ەكەنٸن ەسكەرتتٸ.
«بەرٸن باسىنان باستاعاندىقتان, مٷلٸك يەلەرٸ بٸرلەستٸكتەرٸ باعدارلامالاردى ٸسكە اسىرا الادى. بٸزدٸڭ ۇلتتىق كووپەراتيۆتەر جەنە ەكونوميكالىق قوعامداستىقتارىنىڭ باسقا دا نىساندارى قاۋىمداستىعى مٷلٸك يەلەرٸ بٸرلەستٸكتەرٸنٸڭ مٷشەلەرٸن ۇيىم قىزمەتٸنە جاڭا باعدارلامالار ەنگٸزۋ ارقىلى كوممۋنالدىق تٶلەم قۇنىن قالاي تٶمەندەتۋگە بولاتىنىن ٷيرەتەدٸ. تۇرعىندار كووپەراتسيياسىن ۇيىمداستىرۋداعى نەگٸزگٸ ماقساتتىڭ بٸرٸ - وسى», - دەدٸ قاۋىمداستىق تٶراعاسى.
