23 naýryz kúni «Qyzai ana» qoǵamdyq qory Almaty oblysy Talǵar aýdany Óstemir aýlyndaǵy Qyzai ana kóshesiniń boiynda naýryz merekelik dastarhan jaidy. Merekelik sharaǵa aýyl turǵyndary men birge alys jaqynnan kelgen myńdaǵan azamat qatysty. Arasynda qoǵam qairatkerleri, óner adamdary, aqyn-jazýshylar, sportshylar, qyzai ana urpaqtary boldy.
Merekelik shara «Qyzai ana» qoǵamdyq qorynyń Tóraǵasy, professor Nábijan Muhamethanulynyń halyqty ulystyń uly kúnimen quttyqtaýy men jáne «Qyzai ana» qory jumysyn qysqasha tanystryp, syily qonaqtarǵa shapan kigizdi. Nábijan Muhamethanulynan keiin aýyl, aýdan ákimderi, qoǵam qairatkerleriniń aq jarma tilekteri men aýyl aqsaqaldarynyń batasyna ulasty. Merekelik sharanyń kún tártibine bailanysty, Jastar men jas óspirimder arasyndaǵy sporttyq jarystar men merekelik kontserttik baǵdarlama qatar bastaldy. QR mádeniet qairatkeri, qurmet órdeniniń iegeri Tileýbek Qojan, tanymal ánshiler Nurshat Zeiiphan, Ádil Silámhan, Asqar Ákimbek, Lálá Baqytnurqyzy qatarly bir top ánshi ónerpazdar ánnen sháshý jáship, bishilerimiz halyqtyń kóz aiymyn qandyryp, aqyndarymyz jyr marjanyn jaýdyrdy.
Kontserttik baǵdarlamanyń ortasynda «Qyzai ana» qoǵamdyq qory uiymdastyrǵan igi sharalardyń marapattaýlaryna da kezek berilip turdy. Osy igi sharanyń biri jastarymyzdy bilim men ǵylymǵa yntalantyrý maqsatynda joǵarǵy oqý oryndarynda bilim alyp jatqan úzdik stýdentterge stependiia taǵaiyndaý. Ǵalym Nábijan Muhamethanuly oqýdaǵy jetistikteri men qoǵamdyq jumystaǵy belsendiligi úshin Ál-Farabi atyndaǵy QazUÝ-dyń magistranty Muqtai Klaraǵa júz myń teńge, Ál-Farabi atyndaǵy QazUÝ-dyń 1 kýrs stýdenti Bolat Bubisaraǵa jetpis myń teńge, Tehnologiia-ekonomikalyq kolledjynyń 2 kýrs stýdenti Nurdanǵali Jainaǵa elý myń teńge, Tadǵar aýdany Óstemir aýyly № 14 mektebiniń 9-shy synypa oqýshysy Begaly Baisaldyǵa 50 myń teńge qarjylai syilyq tabys etti.
Esterińiz de bolsa, «Qyzai ana» qoǵamdyq qory Alash Orda úkimetiniń 100 jyldyǵyna orai «Ádebiet» portalynda «Aibyndy Alashym» atty jas aqyndar arasyndaǵy jyr músháirasyn jariialaǵan bolatyn. Ádil qazylar jeńimpaz dep belgilegen aqyndardy marapattaý da osy Naýryz merekelik sharasynyń aiasynda ótip, jyr músháirasynyń qazylary men qor músheleri jeńipaz aqyndardy saltanatty túrde marapattady. Biylǵy jylǵy naýryz merekelik dastarhan shyǵynyn kóterlgen qor quryltaishysynyń biri Sabyrjan Muhamethanuly jyr músháirasynyń negizgi júlde qory 500 myń teńgeni ózi ataǵan bolatyn. Ádil qazylar alqasy Bas júldege baianaýyldyq jas aqyn Elaman Hasenulyn laiyq dep 200 myń teńge, birinshi oryn almatylyq aqyn Tólegen Mellatqa 150 myń teńge, ekinshi oryn almatylyq jas aqyn Aibol Islamǵaliǵa 100 myń teńge, úshinshi oryn Qoja Ahmet Iasaýi atyndaǵy qazaq-túrik ýniversitetiniń 1 kýrs stýdenti Ǵylymnur Kádirbaiulyna 50 myń teńge qarjylai syilyq tabys etti. Sonymen birge «Qyzai ana» qory aqyn Talapbek Tynysbekuly men Baltabai Nurǵalievke arnaiy júlde tabys etse, jas kásipker Jolshybai Oshyrbaiuly Alash Túrsynáli men Dinara Málikke «Qyzai ana» qorynyń atyndan arnaiy júlde tabys etti.
«Qyzai ana» qoǵamdyq qory aqyndar arasyndaǵy músháirany osymen ekinshi jyl ótkizse, Stýdentter men oqýshylarǵa stependiiany neshe jyldan beri taǵaiyndap keledi. Sonymen birge qor atynan belgili kásipker, «Qyzai ana» qorynyń hatshysy, Almatydaǵy «Sáttibai» fermasynyń tóraǵasy Omaráli Ábdibekuly da jyl saiyn Tadǵar aýdany Óstemir aýyly № 14 mektebiniń otbasynda qiynshylyǵy bar, oqýda ozat 5 oqýshyǵa 30 myń teńgeden qarjylai syilyq berip keledi. Biylda dástúrge sai 1- synyptan 7- synypqa deiingi 5 oqýshyǵa syilyǵyn óz qolymen tabystady.
Mereke sporttyq jarystarda marapatqa ie bolǵan jastar men jas-óspirimderdiń syilyqtaryn tabys etýmen máresine jetti. Kelgen barsha qonaq arnaiy tigilgen kigiz úilerde jáiilǵan dastarhandarǵa retimen kirip keń dastarhannan dám tatty. 4,5 saǵatqa sozylǵan merekelik shara barsha qonaqtarynyń kóńilinen shyǵyqqany bilinip, qonaqtar uiymdastrýshylarǵa alǵysyn aityp qaityp jatty. Samarhannyń kók tasy erigen Naýryz merekesinde «Qyzai ana» qory óstemir aýylynyń turǵyndary qýanysh syilap, aqyndar men stýdent, oqýshylarǵa shabyt syilap qaitty. Jáne qala halqyn, kásipkerlerdi aýylǵa aparý arqyly aýyl turmysyna kóz qyryn sala júrýlerine oi túidire bildi dep oilaimyn. Osy shara arqyly jas urpaq qyzai anadai uly tulǵanyń ómirimen tanysyp ulyqqa umyltýǵa oi-sabaq ala bilgenine de shúbam joq.
Eskere keteiin, «Qyzai ana» qoǵamdyq qory uiymdastyrǵan Óstemir aýylyndaǵy Naýryz merekesiniń dastarhan ár jyly bir bir áýlet ne birneshe azamat óz moiyndaryna alady. Sporttyq sharalar men jyr músháirasynyń shyǵynyn da dastarhan jáiǵan azamattar shyǵarady. Biylǵy jylǵy Naýryz merekelik dastarhanyn «Qyzai ana» qoǵamdyq qorynyń tóraǵasy, tarihshy, professor Nábijan Muhamethanuly jáne inileri Ánýar Muhamethanuly men Sabyrjan Muhamethanuly jáiǵan edi.
«Qyzai ana» qorynyń Naýryz merekesin Óstemir aýylynda ótkizip kele jatqanyna toqtala keter bolsaq, 2011 jyly aqyn Ábdiǵani Pázilhanuly Talǵar aýdany Nura aýlydyq okrýgi mádeniet úiiniń basshysy bolyp turǵan kezindegi bastamasy boiynsha Talǵar aýdany Óstemir aýylyndaǵy bir kóshe Qyzai ananyń atyna berilgen edi. 2011 jyldyń qazan aiynda sol kósheniń boiynda Qyzai anaǵa as berilip, 2012 jyldan bastap dástúrly túrde Naýryz merekesi sol kósheniń boiynda ótip keledi. Osy 6 jyl barysynda «Qyzai ana» kóshesin alýǵa sebepshi bolǵan, aqyn Ábdiǵani Pázilhanuly Naýryz merekesin uiymdastrýǵa belsene atsalysyp, Naýryz merekesin júrgizip keledi. «Qyzai ana» qorynyń bul aýylda jasaǵan basqada igi sharalaryn «Qyzai ana» qorynyń direktory Bazaráli Áripulynyń «Ult» portalyna bergen suhbatynan oqi alasyzdar.
Turdybek Qurmethan,
Sýretterdi túsirgen: Bekzat Turǵynuly
