23 ناۋرىز كٷنٸ «قىزاي انا» قوعامدىق قورى الماتى وبلىسى تالعار اۋدانى ٶستەمٸر اۋلىنداعى قىزاي انا كٶشەسٸنٸڭ بويىندا ناۋرىز مەرەكەلٸك داستارحان جايدى. مەرەكەلٸك شاراعا اۋىل تۇرعىندارى مەن بٸرگە الىس جاقىننان كەلگەن مىڭداعان ازامات قاتىستى. اراسىندا قوعام قايراتكەرلەرٸ, ٶنەر ادامدارى, اقىن-جازۋشىلار, سپورتشىلار, قىزاي انا ۇرپاقتارى بولدى.
مەرەكەلٸك شارا «قىزاي انا» قوعامدىق قورىنىڭ تٶراعاسى, پروفەسسور نەبيجان مۇحامەتحانۇلىنىڭ حالىقتى ۇلىستىڭ ۇلى كٷنٸمەن قۇتتىقتاۋى مەن جەنە «قىزاي انا» قورى جۇمىسىن قىسقاشا تانىسترىپ, سىيلى قوناقتارعا شاپان كيگٸزدٸ. نەبيجان مۇحامەتحانۇلىنان كەيٸن اۋىل, اۋدان ەكٸمدەرٸ, قوعام قايراتكەرلەرٸنٸڭ اق جارما تٸلەكتەرٸ مەن اۋىل اقساقالدارىنىڭ باتاسىنا ۇلاستى. مەرەكەلٸك شارانىڭ كٷن تەرتٸبٸنە بايلانىستى, جاستار مەن جاس ٶسپٸرٸمدەر اراسىنداعى سپورتتىق جارىستار مەن مەرەكەلٸك كونتسەرتتٸك باعدارلاما قاتار باستالدى. قر مەدەنيەت قايراتكەرٸ, قۇرمەت ٶردەنٸنٸڭ يەگەرٸ تٸلەۋبەك قوجان, تانىمال ەنشٸلەر نۇرشات زەيٸپحان, ەدٸل سٸلەمحان, اسقار ەكٸمبەك, لەلە باقىتنۇرقىزى قاتارلى بٸر توپ ەنشٸ ٶنەرپازدار ەننەن شەشۋ جەشٸپ, بيشٸلەرٸمٸز حالىقتىڭ كٶز ايىمىن قاندىرىپ, اقىندارىمىز جىر مارجانىن جاۋدىردى.
كونتسەرتتٸك باعدارلامانىڭ ورتاسىندا «قىزاي انا» قوعامدىق قورى ۇيىمداستىرعان يگٸ شارالاردىڭ ماراپاتتاۋلارىنا دا كەزەك بەرٸلٸپ تۇردى. وسى يگٸ شارانىڭ بٸرٸ جاستارىمىزدى بٸلٸم مەن عىلىمعا ىنتالانتىرۋ ماقساتىندا جوعارعى وقۋ ورىندارىندا بٸلٸم الىپ جاتقان ٷزدٸك ستۋدەنتتەرگە ستەپەندييا تاعايىنداۋ. عالىم نەبيجان مۇحامەتحانۇلى وقۋداعى جەتٸستٸكتەرٸ مەن قوعامدىق جۇمىستاعى بەلسەندٸلٸگٸ ٷشٸن ەل-فارابي اتىنداعى قازۇۋ-دىڭ ماگيسترانتى مۇقتاي كلاراعا جٷز مىڭ تەڭگە, ەل-فارابي اتىنداعى قازۇۋ-دىڭ 1 كۋرس ستۋدەنتٸ بولات بۇبٸساراعا جەتپٸس مىڭ تەڭگە, تەحنولوگييا-ەكونوميكالىق كوللەدجىنىڭ 2 كۋرس ستۋدەنتٸ نۇردانعالي جايناعا ەلۋ مىڭ تەڭگە, تادعار اۋدانى ٶستەمٸر اۋىلى № 14 مەكتەبٸنٸڭ 9-شى سىنىپا وقۋشىسى بەگالى بايسالدىعا 50 مىڭ تەڭگە قارجىلاي سىيلىق تابىس ەتتٸ.
ەستەرٸڭٸز دە بولسا, «قىزاي انا» قوعامدىق قورى الاش وردا ٷكٸمەتٸنٸڭ 100 جىلدىعىنا وراي «ەدەبيەت» پورتالىندا «ايبىندى الاشىم» اتتى جاس اقىندار اراسىنداعى جىر مٷشەيراسىن جارييالاعان بولاتىن. ەدٸل قازىلار جەڭٸمپاز دەپ بەلگٸلەگەن اقىنداردى ماراپاتتاۋ دا وسى ناۋرىز مەرەكەلٸك شاراسىنىڭ اياسىندا ٶتٸپ, جىر مٷشەيراسىنىڭ قازىلارى مەن قور مٷشەلەرٸ جەڭٸپاز اقىنداردى سالتاناتتى تٷردە ماراپاتتادى. بيىلعى جىلعى ناۋرىز مەرەكەلٸك داستارحان شىعىنىن كٶتەرلگەن قور قۇرىلتايشىسىنىڭ بٸرٸ سابىرجان مۇحامەتحانۇلى جىر مٷشەيراسىنىڭ نەگٸزگٸ جٷلدە قورى 500 مىڭ تەڭگەنٸ ٶزٸ اتاعان بولاتىن. ەدٸل قازىلار القاسى باس جٷلدەگە باياناۋىلدىق جاس اقىن ەلامان حاسەنۇلىن لايىق دەپ 200 مىڭ تەڭگە, بٸرٸنشٸ ورىن الماتىلىق اقىن تٶلەگەن مەللاتقا 150 مىڭ تەڭگە, ەكٸنشٸ ورىن الماتىلىق جاس اقىن ايبول يسلامعاليعا 100 مىڭ تەڭگە, ٷشٸنشٸ ورىن قوجا احمەت ياساۋي اتىنداعى قازاق-تٷرٸك ۋنيۆەرسيتەتٸنٸڭ 1 كۋرس ستۋدەنتٸ عىلىمنۇر كەدٸربايۇلىنا 50 مىڭ تەڭگە قارجىلاي سىيلىق تابىس ەتتٸ. سونىمەن بٸرگە «قىزاي انا» قورى اقىن تالاپبەك تىنىسبەكۇلى مەن بالتاباي نۇرعاليەۆكە ارنايى جٷلدە تابىس ەتسە, جاس كەسٸپكەر جولشىباي وشىربايۇلى الاش تٷرسىنەلٸ مەن دينارا مەلٸككە «قىزاي انا» قورىنىڭ اتىندان ارنايى جٷلدە تابىس ەتتٸ.
«قىزاي انا» قوعامدىق قورى اقىندار اراسىنداعى مٷشەيرانى وسىمەن ەكٸنشٸ جىل ٶتكٸزسە, ستۋدەنتتەر مەن وقۋشىلارعا ستەپەندييانى نەشە جىلدان بەرٸ تاعايىنداپ كەلەدٸ. سونىمەن بٸرگە قور اتىنان بەلگٸلٸ كەسٸپكەر, «قىزاي انا» قورىنىڭ حاتشىسى, الماتىداعى «سەتتٸباي» فەرماسىنىڭ تٶراعاسى ومارەلٸ ەبدٸبەكۇلى دا جىل سايىن تادعار اۋدانى ٶستەمٸر اۋىلى № 14 مەكتەبٸنٸڭ وتباسىندا قيىنشىلىعى بار, وقۋدا وزات 5 وقۋشىعا 30 مىڭ تەڭگەدەن قارجىلاي سىيلىق بەرٸپ كەلەدٸ. بيىلدا دەستٷرگە ساي 1- سىنىپتان 7- سىنىپقا دەيٸنگٸ 5 وقۋشىعا سىيلىعىن ٶز قولىمەن تابىستادى.
مەرەكە سپورتتىق جارىستاردا ماراپاتقا يە بولعان جاستار مەن جاس-ٶسپٸرٸمدەردٸڭ سىيلىقتارىن تابىس ەتۋمەن مەرەسٸنە جەتتٸ. كەلگەن بارشا قوناق ارنايى تٸگٸلگەن كيگٸز ٷيلەردە جەيٸلعان داستارحاندارعا رەتٸمەن كٸرٸپ كەڭ داستارحاننان دەم تاتتى. 4,5 ساعاتقا سوزىلعان مەرەكەلٸك شارا بارشا قوناقتارىنىڭ كٶڭٸلٸنەن شىعىققانى بٸلٸنٸپ, قوناقتار ۇيىمداسترۋشىلارعا العىسىن ايتىپ قايتىپ جاتتى. سامارحاننىڭ كٶك تاسى ەرٸگەن ناۋرىز مەرەكەسٸندە «قىزاي انا» قورى ٶستەمٸر اۋىلىنىڭ تۇرعىندارى قۋانىش سىيلاپ, اقىندار مەن ستۋدەنت, وقۋشىلارعا شابىت سىيلاپ قايتتى. جەنە قالا حالقىن, كەسٸپكەرلەردٸ اۋىلعا اپارۋ ارقىلى اۋىل تۇرمىسىنا كٶز قىرىن سالا جٷرۋلەرٸنە وي تٷيدٸرە بٸلدٸ دەپ ويلايمىن. وسى شارا ارقىلى جاس ۇرپاق قىزاي اناداي ۇلى تۇلعانىڭ ٶمٸرٸمەن تانىسىپ ۇلىققا ۇمىلتۋعا وي-ساباق الا بٸلگەنٸنە دە شٷبام جوق.
ەسكەرە كەتەيٸن, «قىزاي انا» قوعامدىق قورى ۇيىمداستىرعان ٶستەمٸر اۋىلىنداعى ناۋرىز مەرەكەسٸنٸڭ داستارحان ەر جىلى بٸر بٸر ەۋلەت نە بٸرنەشە ازامات ٶز مويىندارىنا الادى. سپورتتىق شارالار مەن جىر مٷشەيراسىنىڭ شىعىنىن دا داستارحان جەيعان ازاماتتار شىعارادى. بيىلعى جىلعى ناۋرىز مەرەكەلٸك داستارحانىن «قىزاي انا» قوعامدىق قورىنىڭ تٶراعاسى, تاريحشى, پروفەسسور نەبيجان مۇحامەتحانۇلى جەنە ٸنٸلەرٸ ەنۋار مۇحامەتحانۇلى مەن سابىرجان مۇحامەتحانۇلى جەيعان ەدٸ.
«قىزاي انا» قورىنىڭ ناۋرىز مەرەكەسٸن ٶستەمٸر اۋىلىندا ٶتكٸزٸپ كەلە جاتقانىنا توقتالا كەتەر بولساق, 2011 جىلى اقىن ەبدٸعاني پەزٸلحانۇلى تالعار اۋدانى نۇرا اۋلىدىق وكرۋگٸ مەدەنيەت ٷيٸنٸڭ باسشىسى بولىپ تۇرعان كەزٸندەگٸ باستاماسى بويىنشا تالعار اۋدانى ٶستەمٸر اۋىلىنداعى بٸر كٶشە قىزاي انانىڭ اتىنا بەرٸلگەن ەدٸ. 2011 جىلدىڭ قازان ايىندا سول كٶشەنٸڭ بويىندا قىزاي اناعا اس بەرٸلٸپ, 2012 جىلدان باستاپ دەستٷرلى تٷردە ناۋرىز مەرەكەسٸ سول كٶشەنٸڭ بويىندا ٶتٸپ كەلەدٸ. وسى 6 جىل بارىسىندا «قىزاي انا» كٶشەسٸن الۋعا سەبەپشٸ بولعان, اقىن ەبدٸعاني پەزٸلحانۇلى ناۋرىز مەرەكەسٸن ۇيىمداسترۋعا بەلسەنە اتسالىسىپ, ناۋرىز مەرەكەسٸن جٷرگٸزٸپ كەلەدٸ. «قىزاي انا» قورىنىڭ بۇل اۋىلدا جاساعان باسقادا يگٸ شارالارىن «قىزاي انا» قورىنىڭ ديرەكتورى بازارەلٸ ەرٸپۇلىنىڭ «ۇلت» پورتالىنا بەرگەن سۇحباتىنان وقي الاسىزدار.
تۇردىبەك قۇرمەتحان,
سۋرەتتەردٸ تٷسٸرگەن: بەكزات تۇرعىنۇلى
