Aqtóbede qyz alyp qashpaq bolǵan eki jigitke búgin sot úkimi shyqty. Beitanys qyzdy kósheden urlap áketpek bolǵan Sanat Ómirzaqqa sot tórt jarym jyl túrme jazasyna kesti. Al onyń sybailasy bolǵan Aldabergen Jumajanov bes jylǵa bas bostandyǵynan aiyryldy. Jumajanov osyǵan deiin bir ret shartty túrde sottalǵan. Bul týraly Aqtóbe oblystyq sotynyń baspasóz qyzmeti habarlady.
Sot dereginshe, oqiǵa 2017 jyly 14 maýsym kúni Aqtóbedegi ortalyq bazardyń janynda bolǵan. Sóz bailasqan qalyńdyǵymen toi aldynda kelispei qalǵan jigit ortalyq bazar mańynda ketip bara jatqan beitanys qyzdy urlap áketpek bolǵan.
«Toiǵa ázirlenip jatqan týystarynyń aldynda uiatqa qalmaý úshin 1996 jylǵy aqtóbelik jigit adam urlaýǵa oqtalǵan. Ol úshin sybailas dosy ekeýi tórt myń teńgege kelisip, Hromtaý qalasyna deiin taksi jaldaidy. Alaida, taksi júrgizýshisi eki jigittiń adam urlaý týraly piǵylynan habarsyz bolǵan» deidi oblystyq sottyń baspasóz qyzmeti.
Alǵashqy sot májilisine kelgen jábirlenýshi ózin ortalyq bazardyń kúzetshileri qutqaryp qalǵanyn aitqan.
Kúdikti eki adamǵa qylmystyq kodekstiń 125-babynyń 2-bóligi 1-tarmaǵy («adam urlaýǵa oqtalý») boiynsha aiyp taǵyldy. Sottalýshylar jazalaryn jalpy rejimdegi koloniiada óteidi.
