اقتٶبەدە قىز الىپ قاشپاق بولعان ەكٸ جٸگٸتكە بٷگٸن سوت ٷكٸمٸ شىقتى. بەيتانىس قىزدى كٶشەدەن ۇرلاپ ەكەتپەك بولعان سانات ٶمٸرزاققا سوت تٶرت جارىم جىل تٷرمە جازاسىنا كەستٸ. ال ونىڭ سىبايلاسى بولعان الدابەرگەن جۇماجانوۆ بەس جىلعا باس بوستاندىعىنان ايىرىلدى. جۇماجانوۆ وسىعان دەيٸن بٸر رەت شارتتى تٷردە سوتتالعان. بۇل تۋرالى اقتٶبە وبلىستىق سوتىنىڭ باسپاسٶز قىزمەتٸ حابارلادى.
سوت دەرەگٸنشە, وقيعا 2017 جىلى 14 ماۋسىم كٷنٸ اقتٶبەدەگٸ ورتالىق بازاردىڭ جانىندا بولعان. سٶز بايلاسقان قالىڭدىعىمەن توي الدىندا كەلٸسپەي قالعان جٸگٸت ورتالىق بازار ماڭىندا كەتٸپ بارا جاتقان بەيتانىس قىزدى ۇرلاپ ەكەتپەك بولعان.
«تويعا ەزٸرلەنٸپ جاتقان تۋىستارىنىڭ الدىندا ۇياتقا قالماۋ ٷشٸن 1996 جىلعى اقتٶبەلٸك جٸگٸت ادام ۇرلاۋعا وقتالعان. ول ٷشٸن سىبايلاس دوسى ەكەۋٸ تٶرت مىڭ تەڭگەگە كەلٸسٸپ, حرومتاۋ قالاسىنا دەيٸن تاكسي جالدايدى. الايدا, تاكسي جٷرگٸزۋشٸسٸ ەكٸ جٸگٸتتٸڭ ادام ۇرلاۋ تۋرالى پيعىلىنان حابارسىز بولعان» دەيدٸ وبلىستىق سوتتىڭ باسپاسٶز قىزمەتٸ.
العاشقى سوت مەجٸلٸسٸنە كەلگەن جەبٸرلەنۋشٸ ٶزٸن ورتالىق بازاردىڭ كٷزەتشٸلەرٸ قۇتقارىپ قالعانىن ايتقان.
كٷدٸكتٸ ەكٸ ادامعا قىلمىستىق كودەكستٸڭ 125-بابىنىڭ 2-بٶلٸگٸ 1-تارماعى («ادام ۇرلاۋعا وقتالۋ») بويىنشا ايىپ تاعىلدى. سوتتالۋشىلار جازالارىن جالپى رەجيمدەگٸ كولونييادا ٶتەيدٸ.
