Qytaidyń Hetszin qalasynyń ákimshiligi Ekibastuzdaǵy kómirdi zertteýge bel býdy, dep habarlaidy "Ult aqparat".
Búgin Ekibastuzǵa byltyr "baýyrlas" qala bolǵan Qytaidyń Hetszin qalasynan delegatsiia keldi. Sol kezde eki qala arasyndaǵy jan-jaqty yntymaqtastyq týraly memorandýmǵa qol qoiylǵan edi. Anyqtalǵandai, Ekibastuzdaǵy kómir osy otyn túrin qaita óńdeýmen ainalysatyn «Iangýan» korporatsiiasynyń qyzyǵýshylyǵyn týdyrǵan.
«10 million tonna kómirden 5 million tonna koks alýǵa bolady. Kómir shina óndirýge, aeroǵaryshtyq ónimder óndirý úshin qoldanylady», - dep atap ótti Hetszin qalasy meriniń orynbasary He Hongling.
Qytaidan kelgen delegatsiia kómir razrezderi men basqa da kásiporyndardy aralady.
Sondai-aq, qalalyq ákimdikte Ekibastuz ákimi Qairat Núkenovpen kezdesý ótip, eki qalanyń basshylary saýda, ekonomika, mádeniet jáne sport salalaryndaǵy ózara árekettestik týraly kelisim jasaǵan.
