Qytailyq avtotýristerdiń alǵashqy legi Qazaqstan shekarasynan ótti. Kerýen Astanadaǵy EKSPO-2017 sharasyna bet aldy, dep habarlaidy QazAqparat tilshisi.
18 avtotýrist 5 avtoúimen Almaty oblysy, Balqash, Qaraǵandy, Kókshetaý, Shýchinsk-Býrabai, Shyǵys Qazaqstan oblystaryn kesip ótedi.
Qytailyq kerýenniń Qazaqstanǵa kelýi kedendik rásimdeýlerdiń jeńildetilgenin kórsetedi.
«Buryn toppen keletin týristerdi kirgize almaitynbyz. Óitkeni, olardyń árqaisysyna bólek viza toltyrý kerek bolatyn. 200 adamnyń árqaisysyn toltyryp otyrý múmkin emes. Endi biz týrister tobyna arnalǵan viza rásimdei alamyz. Mysaly, búgin myna topty biz 2 saǵatta rásimdep boldyq. Munyń barlyǵy Qazaqstannyń týristik áleýetin arttyrýǵa kómektesedi. Biyldyń ózinde 400-500 avtomobil keledi dep otyrmyz», - dedi kompaniia direktory Aia Qusaiynova.
Qytai týristik naryǵynda jylda 5 mln-ǵa jýyq adam avtoúilermen saiahattaidy.
Qalalyq týrizm jáne syrtqy bailanys basqarmasynyń málimdeýinshe, mundai týristik marshrýttar arnaiy kempingter men úlken avtoturaq infraqurylymyn talap etedi.
Almaty ákimdigi memlekettik jekemenshik áriptestik aiasynda avtoúilerge arnalǵan avtoturaq jasaýdy qolǵa almaq.
