Foto:elements.envato.com
"Astana Motors" Qazaqstanda zaýyt ashqysy keletin Qytaidyń úsh avtokólik brendimen kelissóz júrgizip jatyr. Bul týraly indýstriia jáne infraqurylymdyq damý ministri Qaiyrbek Óskenbaev málimdedi, - dep habarlaidy Tengrinews.kz.
"Astana Motors" qazir Qytaidyń úsh iri kompaniiasymen kelissóz júrgizip jatyr. Qytaidyń eń tanymal brendteri osynda "Astana Motorspen" birge zaýyt ashyp, lokalizatsiia jasamaqshy. Halyqtyń avtokólikke degen suranysy bizdiń avtoónerkásiptiń damýyna múmkindik beredi", - dedi Óskenbaev.
Jýrnalister ministrge jeńildetilgen avtokólikti nesiege alý kezegi úsh myńǵa jetkenin aitty.
"Bul óte jaqsy, óitkeni qazir bizde avtokólik óndirisi ulǵaiyp jatyr jáne turǵyndardyń otandyq kólikterge suranysy joǵary, óndiretin kólikterdiń kólemin odan ári arttyrýymyz kerek", - dep túsindirdi ministr.
