Qytaidyń Sinopharm farmatsevtika kompaniiasy QHR-dyń azyq-túlik pen dári-dármekti baqylaý memlekettik basqarmasyna COVID-19-dyń aldyn alatyn vaktsinany tirkeýge ótinish berdi, dep habarlaidy "Ult aqparat" Sinhýa agenttigine silteme jasap.
Sinopharm jańa koronavirýs infektsiiasynyń aldyn alý úshin eki inaktivtelgen vaktsina jasap shyǵardy. Olar Qytaidan bólek Perý, Iordaniia, Mysyr, Argentina, Birikken Arab Ámirlikteri jáne basqa da elderde klinikalyq synaqtyń úshinshi kezeńinen ótip jatyr.
Halyqaralyq synaqtyń úshinshi fazasyna 60 myń erikti qatysyp, olardyń 40 myńnan astamyna eki inektsiiadan salyndy.
Sinopharm synaqtyń qorytyndy kezeńine qatysty eshqandai málimet bermegenimen, Qytai biligi kelesi jyldyń shildesinde kompaniianyń eki eksperimentti vaktsinasyn shuǵyl jaǵdaida qoldanýǵa ruqsat berdi.
Sinopharm basshylyǵynyń aitýynsha, vaktsina qaýip tobyndaǵy 1 mln adamǵa salynyp úlgergen.
«Shuǵyl paidalanýǵa keler bolsaq, biz bir millionǵa jýyq adamǵa vaktsina ektik, biraq qaýipti janama áseri týraly birde-bir habar almadyq, tek jeńil simptom ǵana baiqalǵan», - dedi Sinopharm bas direktory Liý Tszinchjen.
Sinopharm kompaniiasy 2020 jyldyń sońyna deiin 100 mln doza vaktsina shyǵarýdy, al kelesi jyly óndiris kólemin 1 mlrd dozaǵa deiin arttyrýdy josparlap otyr.
