AQSh-tyń Reseige salǵan búgingi sanktsiiasy RF ekonomikasyn álsiretýdegi sheshýshi soqqy bolýy múmkin. Biraq ol birneshe aidan keiin RF ydyraidy degen sóz emes?! RF ydyraýy 8-12 jylǵa sozylýy múmkin. QSRO-ny ydyratardaǵy "sýyq soǵys" (holodnaia voina) 35 jylǵa sozyldy. Bul jerde biz úshin birneshe mańyzdy másele bar:
1. Bul jaǵdaida QR ekonomikalyq turaqtylyǵyn qalai saqtaidy? 2012-2014jj RF stagnatsiia kezinde, sol eldiń arzan ári sapasyz avto t.b. taýaryn jappai satyp alýdyń nátijesinde QR $20 mlrd astam qarjy joǵaltty. 2013 j QR kedendik ÝSQ (SVH) $48 mln orystyń araǵy saqtalsa, sol jyly RF-na QR-nyń 48 bótelke araǵy da eksporttalmady. 2017j RF et eksporttamaqshy bolǵan bizdiń kásipkerlerden QR joq saraptamanyń qorytyndysyn surap iaǵni eshqandai et alýǵa luqsat bermeitinderin nemese EvraZES degenniń QR ekonomikasyn turalatýǵa baǵyttalǵan "Odaq" ekenin jáne QR qarsy osyndai "únsiz sanktsiianyń" jalǵasa beretinin bildirdi. Osyndai jaǵdaida búginge deiin Úkimet el ekonomikasy men kásipkerlerdi qorǵaýda eshqandai naqty shara qoldana almai keledi. Ol az deseńiz RF ózderiniń zaýyttary shyǵaratyn zattardy QR shyǵarýǵa tiym salýda?!...
2. RF OA respýblikalarynyń Kaspii teńizi arqyly qubyr salyp kómirsýtegin Eýropaǵa (Nabýkko jobasy t.b.) eksporttaýyna 25 jyldan beri kedergi bolýda;
3. 49 túrli túrki halyqtarynyń 48 Reseidiń bodany bolsa, olardyń beseýi táýelsizdikterin alǵanymen, áli 43-i RF bodany bolyp qalýda. RF biligi 2015 j quramyndaǵy 6 túrki respýblikasyna TÚRKSOI-men bailanysýǵa tiym saldy;
4. Sanktsiia jariialaǵan kúni teńgeniń qulaýy da kezdeisoq emes?! Bul sanktsiia RF, QR, Belarýsqa birdei áser etýde;
5. Bul sanktsiianyń saiasi astary bolýy da múmkin. Bul daǵdarystan "arbany sandyrmai..." iaǵni beibit jolmen qalai shyǵyp, týysqan halyqtarǵa táýelsizdik alýǵa qandai kómek beretinimizdi oilap, olardy sheshý úshin naqty qadamdarǵa kóshý kerek;
6. Shyǵystaǵy kórshimizdiń sońǵy jarty jylda Qazaqstanmen bailanysy bar qazaqqa ata jaýyndai shúiligýinde ne gáp bar?!
Álde QR syrtynan HIH ǵ ortasynda Resei, Qytai, Aýǵan úsheýi kelisip OA men shyǵys Túrkistandy bólip alǵandai saiasat bastaldy ma? Bundai jaǵdaida diplomatiia men armiianyń róli aldyńǵy qatarǵa shyǵady. Al, bizdegi bilik eldi qorǵaý emes, óz halqymen soǵysýǵa daiyndalyp jatyrǵanǵa kóp uqsaidy. Bizdegi politsiianyń sany armiiadan eki ese kóp!
Januzaq Ákimniń feisbýktaǵy jazbasynan
