Qytai qurastyrǵan "Chane-5" apparaty seisenbi kúni Aiǵa qondy. Ol eki kún boiy Aidan topyraq úlgisin jinaidy, odan soń Jerge jetkizedi.
Apparattyń Aiǵa sapary sátti aiaqtalsa, Qytai álemde osyndai kúrdeli mindetti atqara alǵan álemdegi úshinshi derjavaǵa ainalady.
Ótken ǵasyrdyń 60-70 jyldary Apollon kemesimen Aiǵa ushqan NASA astronavtary Jerge birneshe ret Aidyń topyraq úlgilerin jetkizgen. 1976 jyly sovet mamandary qurastyrǵan "Lýna-3" zondy Aidan topyraq ákelý ekspeditsiiasyn aiaqtaǵan.
Sodan beri kóptegen el planetologtary Aidyń topyraq úlgilerin kútip keledi.
Aidyń betinde arnaiy zond jumys istep jatqan shaqta ony Jerge qaitarýy tiis apparat tabiǵi serikten 200 shaqyrym biiktikte orbitada ushyp júr.
Aita keteiik, «Chane-5» Jerge 2 keli topyraq úlgisin ákeledi dep josparlanyp otyr. Jalpy zondtyń ushý ýaqyty 20 kúnnen asady. Salmaǵy 8,2 tonna «Chane-5» zondy orbitalyq, qonýshy, qaitýshy jáne ushý modýlderinen turady.
Aidy zertteýge arnalǵan Qytai baǵdarlamasy 2004 jyly iske qosyldy. Ol úsh kezeńnen turady: Aidy ainalyp ushý, onyń betine qoný jáne Jerge aidaǵy topyraq úlgisin jetkizý.
«Chanchjen-5» zymyrany 24 qarashada Ońtústik Qytaidaǵy Hainan araly provintsiiasyndaǵy Venchan áýe ailaǵynan «Chane-5» zondyn alyp ushqan edi.
