Qytailyq milliarder, Alibaba negizin qalaýshy Djek Manyń jurt aldyna shyqpaǵanyna eki ai boldy. Alyp biznesi Pekin shekteýine ushyraǵan kásipkerdiń qaida ekeni belgisiz.
Qytailyq tanymal kásipker sońǵy ret qazan aiynyń sońynda Shanhaidaǵy forýmda jurt aldynda sóilegen. Jiyn kezinde Ma Qytaidyń qarjylyq retteý júiesin synaǵan, izinshe Qytai biligi Alibabaǵa enshiles kompaniia Ant Group-tyń aktsiialaryn jariialaýdy toqtatqan.
Qytai kommýnistik partiiasy ádette synǵa tózbeidi jáne basshylardyń qatelikteri jaily aqparattarǵa tyiym salady. Qarasha aiynda Ma kásipkerlerge arnalǵan "Afrikanyń biznes qaharmany" atty shoýdyń ádilqazylyǵynan shettetilgen. Alibaba korporatsiiasynyń resmi ókili Reiter agenttigine jiýrilikten shettetýge qazan aiyndaǵy daý sebep bolǵanyn aitqan. Biraq jai-japsaryna toqtalmaǵan.
Manyń qazan aiyndaǵy sózi qytailyq memlekettik organdardyń Alibaba-ǵa qarsy tekseris bastaýyna túrtki boldy. Ótken aptada Qytai biligi Ant Group operatsiialaryn qysqartyp, kompaniianyń basqarý tiimdiligine kúmán keltirgen.
