قىتايلىق ميللياردەر, Alibaba نەگٸزٸن قالاۋشى دجەك مانىڭ جۇرت الدىنا شىقپاعانىنا ەكٸ اي بولدى. الىپ بيزنەسٸ پەكين شەكتەۋٸنە ۇشىراعان كەسٸپكەردٸڭ قايدا ەكەنٸ بەلگٸسٸز.
قىتايلىق تانىمال كەسٸپكەر سوڭعى رەت قازان ايىنىڭ سوڭىندا شانحايداعى فورۋمدا جۇرت الدىندا سٶيلەگەن. جيىن كەزٸندە ما قىتايدىڭ قارجىلىق رەتتەۋ جٷيەسٸن سىناعان, ٸزٸنشە قىتاي بيلٸگٸ اليباباعا ەنشٸلەس كومپانييا Ant Group-تىڭ اكتسييالارىن جارييالاۋدى توقتاتقان.
قىتاي كوممۋنيستٸك پارتيياسى ەدەتتە سىنعا تٶزبەيدٸ جەنە باسشىلاردىڭ قاتەلٸكتەرٸ جايلى اقپاراتتارعا تىيىم سالادى. قاراشا ايىندا ما كەسٸپكەرلەرگە ارنالعان "افريكانىڭ بيزنەس قاھارمانى" اتتى شوۋدىڭ ەدٸلقازىلىعىنان شەتتەتٸلگەن. Alibaba كورپوراتسيياسىنىڭ رەسمي ٶكٸلٸ رەيتەر اگەنتتٸگٸنە جيۋريلٸكتەن شەتتەتۋگە قازان ايىنداعى داۋ سەبەپ بولعانىن ايتقان. بٸراق جاي-جاپسارىنا توقتالماعان.
مانىڭ قازان ايىنداعى سٶزٸ قىتايلىق مەملەكەتتٸك ورگانداردىڭ Alibaba-عا قارسى تەكسەرٸس باستاۋىنا تٷرتكٸ بولدى. ٶتكەن اپتادا قىتاي بيلٸگٸ Ant Group وپەراتسييالارىن قىسقارتىپ, كومپانييانىڭ باسقارۋ تيٸمدٸلٸگٸنە كٷمەن كەلتٸرگەن.
