Búgin Qytai óz tarihyndaǵy eń úlken qadamnyń birin jasady. Ol "Bir beldeý-bir baǵyt" atty ekonomikalyq damý jospary.
Atalmysh jobany usyný arqyly Qytai álemdik gegemondyqqa umtylatynyn anyq baiqatty. Óitkeni bul joba eki iri baǵyttan turady. Olar: "Qurlyqtyq ekonomikalyq Jibek Joly" jáne "21 ǵasyrdaǵy muhittyq Jibek Joly" atty qos baǵyt.
Joba shynaiy turǵydan júzege assa álem halqynyń 63% qamtyp, jyldyq qarjy tabysy 21 trln dollarǵa jetýi múmkin. Asa úlken ambitsiia. Anaý-mynaý aitsa kúler edik, biraq Qytaidyń bul jobany asyrýǵa múmkindigi de, nieti de jeterlik.
Biraq bir ǵana suraq: Asyrýǵa múmkindik bere me? Meniń oiymsha AQSh bul jobaǵa kóz jumyp qarap otyrmaidy. Óitkeni bul tek qana AQSh ekonomikasyna ǵana emes, onyń álemdik ústemdigine tónetin úlken qaýip. Bul tikelei dollarǵa soqqy jasaityn qaterli Qytailyq qadam. Nege deseńiz, Qytai bul jobany sátti júzege asyrsa, onda ózi saýda jasaityn álgi álem halqynyń 63%-men saýda qatynasyn iýanda júrgizetin bolady degen sóz. Ol sátte dollar ózi-aq ekinshi pozitsiiaǵa túsip qalar edi.
Ondai jaǵdaiǵa aparatyn jobaǵa Vashington aýzyn ashyp qarap otyrmasy anyq. Sondyqtan jaqyn arada úlken saiasi sheshimder qabyldansa tań qalmaimyn. Mysaly SÝAR(uiǵyr avtonomiiasy) qaita turaqsyzdansa nemese Tibet aimaǵy bir typyrshysa, Taivanǵa AQSh qarýy kelip jetse, tipti Pekinmen shektesetin Soltústik Koreiaǵa soqqy jasalsa tańdanbańyz.
Ashat Qasenǵalidiń feisbýktegi jazbasynan
