Qytaidyń shyǵysyndaǵy Chjetszian provintsiiasynyń Iu jáne Tsziasin qalalarynda jergilikti halyqty vaktsinalaý naýqany bastaldy, dep habarlaidy "Ult aqparat".
Vaktsina eriktilerge salynady. 18-den 59 jasqa deiingi tulǵalar vaktsinatsiia alýǵa ruqsat etilgen.
Vaktsinatsiia jospary eki satydan turady. Bir dozanyń quny – 200 iýan (shamamen 30 dollar). Vaktsinany júrgizý aralyǵy 14-ten 28 kúnge deiin.
Vaktsinatsiiadan buryn ekpege jazbasha kelisim berip, janama áserler týyndaǵan jaǵdaida meditsinalyq saqtandyrýdy rásimdeý kerek.
Erikti kelisim boiynsha jaǵymsyz reaktsiialardyń úsh sanaty sipattalǵan: jii jaǵymsyz reaktsiialar, sirek jáne óte sirek janama reaktsiialar. Jii jaǵymsyz reaktsiialar arasynda: qatty qyzarý jáne isiný, sondai-aq dene qyzýynyń qysqa merzimde joǵarylaýy. Sirek jaǵymsyz reaktsiialar: qatty qyzarý jáne isiný, qaltyraý. Óte sirek kezdesetin jaǵymsyz reaktsiialardyń ishinde jergilikti aseptikalyq abstsess, allergiialyq bórtpe, anafilaktikalyq shok kórsetilgen.
Saqtyq sharalarynyń ishinde buryn COVID-19 juqtyrǵan adamdar, sondai-aq nýklein qyshqyly nemese antidenelerge tapsyrǵan taldaýlar oń nátije kórsetken adamdar vaktsinatsiiaǵa jiberilmeidi. Júkti áielderge, bala emizetin analarǵa, sondai-aq vaktsinatsiiadan keiin úsh aidan keiin balaly bolýdy josparlaǵan adamdarǵa vaktsinatsiiany alý keiinge qaldyrý usynylady.
Chjetszian provintsiiasynyń eki qalasynda da koronavirýsqa qarsy vaktsinany jetkizýshi – Beijing Kexing Zhongwei Biotechnology Co., Ltd kompaniiasy, olardyń preparaty klinikalyq zertteýlerdiń úshinshi satysynda.
