QR Premer-Ministriniń orynbasary Berdibek Saparbaev Qytaidaǵy stýdentterdi Qazaqstanǵa jetkizý kezinde qaýipsizdik sharalaryna basa nazar aýdarylatynyn aitty, – dep habarlaidy QazAqparat.
«Eger ol stýdentterdi (Qytaidaǵy) alyp keletin bolsaq, biz olar aldymen karantin sharalarymen qamtylady. Olarǵa daiyndap qoiǵan aýrýhanamyz bar, olardy sonda jetkizip, 14 kún boiy tiisti sharalar atqarylady. Iaǵni tekserý júrgizemiz, zerthanalarda qan synamalary zerdelenedi. Zerthanada bul adamdardan densaýlyǵyna eshqandai qaýip joq degen qorytyndy berilgennen soń, olar aýrýhanadan shyǵarylady», - dedi Úkimet basshysynyń orynbasary.
Onyń sózine qaraǵanda, atalǵan stýdentter áýejaiǵa jetkizilgennen keiin, qaýipsizdik sharalaryn saqtai otyryp, olardy meditsina qyzmetkerleri kútip alady.
Aita keteiik, Berdibek Saparbaev Qytaidaǵy stýdentterdi alyp kelýge ushaq daiyn ekenin málim etti. Budan buryn habarlanǵandai , QR Bilim jáne ǵylym vitse-ministri Miras Dáýlenov Qytaidaǵy joǵary oqý oryndarynda oqyp júrgen Qazaqstannyń stýdentterine demalys merzimin uzartý sharalary pysyqtalyp jatqanyn aitty. Qytaidyń Ýhan qalasynda 400 stýdent oqyp júr. Sonyń ishinde 98-i sol qalada, iaǵni olar oqý ornynyń kampýsynda.
