Ulttyq Olimpiada komiteti bas assambleiasynyń otyrysynda sport direktsiiasynyń direktory Elsiiar Qanaǵatov Qytaidy Beijiń qalasyn ótetin 2022 jylǵy HHIV qysqy olimpiada oiyndaryna daiyndyq týraly málimet berdi, dep habarlaidy QazAqparat.
«Atalmysh oiyndarǵa 128-aq kún qaldy. Adyn ala málimet boiynsha 4 myńnan astam sportshy 95 elden qatysady dep josparlanǵan. Jarys Qytaidyń 3 qalasynda ótedi. Álemde oryn alǵan kúrdeli epidemiologiialyq jaǵdaiǵa bailanysty Ulttyq olimpiada komiteti men Mádeniet jáne sport ministrligi ózara birlesip, el úkimetiniń qoldaýymen sportshylardy shetelde jáne elimizde tolyqqandy oqý-jattyǵý jumystaryn uiymdastyrý jaqsy deńgeide qamtamasyz etildi», - dedi komitet ókili.
Onyń dereginshe, jyl basynan beri osy olimpiadaǵa qatysýy múmkin sportshylarymyz 105 oqý jattyǵý jiynyn ótkizgen eken.
Onyń ishinde 69-y shetelde uiymdastyrylǵan.
Basa aityp óterligi, fristail mogýldan ótken álem chempionatynda Galysheva kúmis, Kalmakov pen Gorodko qola medal aldy.
«Olimpiada oiyndaryna joldama alýy múmkin 70-ten astam jetekshi sportshy belgilendi. Olimpiadada úzdik ondyqqa kirýi múmkin 9 sportshy aiqyndaldy. Olarmen kelisimshart jasaldy. Arasynda bir olimpiada júldegeri, 2 álem chemiponatynyń júldegeri bar, 2017 jylǵy Aziia oiyndarynyń chempiondary men júldegerleri bar», - dedi Elsiiar Qanaǵatov.
