Qytaidyń WeChat jelisinde jariialanǵan qazaq balasynyń úi tapsyrmasy jurttyń júregin eljiretti. Belgili bolǵandai, úi tapsyrmasyna kúz týraly bir shýmaq óleń berilip, soǵan bailanysty «japyraq» týraly shyǵarma jazyp kelý mindettelgen. Ol shyǵarmasynda jurt oilaǵannan ózgeshe jazyp, anasyna degen ystyq mahabbatyn beinelegen. Onyń anasyna degen qurmeti áleýmettik jelide qyzý talqylanyp, oqyrmandar oqýshy balaǵa alǵystaryn jaýdyrýda. Balanyń aty-jóni kórsetilmegen.
Úi jumysynyń jalpy mazmuny tómendegidei: Joǵarydaǵy óleńge negizdelip «Japyraq» týraly shyǵarma jazyńyz. Sóz- sóilemi durys, oiy jinaqy bolsyn:
Jyldam ǵumyr ýaqyt ótti zymyrap,
Áp-sátte altyn túske endi kúzgi baq.
Japyraqtar jyr paraǵym sekildi,
Jer betine qulap jatyr sýdyrap.
Japyraq ómir
Men japyraqty jek kóremin. Anashym kóshe tazalyqshysy, ol osy aida qatty júdep ketti. Kósheni búgin sypyryp qoisa, ertesi taǵy japyraq jaýyp qalady. Ábden tityqtady... Japyraqty jek kóremin! Japyraq anamnyń mańdaiynan aqqan teri sekildi. Ár ret aǵashtan túsken japyraqty kórsem anamnyń mańdaiynan aqqan ter kóz aldyma keledi. Japyraq aqyndarǵa unaityn shyǵar biraq maǵan ol jaýyp jatqan sor siiaqty. Shirkin, japyraq túspeitin bolsashy!..
