قىتايدىڭ WeChat جەلٸسٸندە جارييالانعان قازاق بالاسىنىڭ ٷي تاپسىرماسى جۇرتتىڭ جٷرەگٸن ەلجٸرەتتٸ. بەلگٸلٸ بولعانداي, ٷي تاپسىرماسىنا كٷز تۋرالى بٸر شۋماق ٶلەڭ بەرٸلٸپ, سوعان بايلانىستى «جاپىراق» تۋرالى شىعارما جازىپ كەلۋ مٸندەتتەلگەن. ول شىعارماسىندا جۇرت ويلاعاننان ٶزگەشە جازىپ, اناسىنا دەگەن ىستىق ماحابباتىن بەينەلەگەن. ونىڭ اناسىنا دەگەن قۇرمەتٸ ەلەۋمەتتٸك جەلٸدە قىزۋ تالقىلانىپ, وقىرماندار وقۋشى بالاعا العىستارىن جاۋدىرۋدا. بالانىڭ اتى-جٶنٸ كٶرسەتٸلمەگەن.
ٷي جۇمىسىنىڭ جالپى مازمۇنى تٶمەندەگٸدەي: جوعارىداعى ٶلەڭگە نەگٸزدەلٸپ «جاپىراق» تۋرالى شىعارما جازىڭىز. سٶز- سٶيلەمٸ دۇرىس, ويى جيناقى بولسىن:
جىلدام عۇمىر ۋاقىت ٶتتٸ زىمىراپ,
ەپ-سەتتە التىن تٷسكە ەندٸ كٷزگٸ باق.
جاپىراقتار جىر پاراعىم سەكٸلدٸ,
جەر بەتٸنە قۇلاپ جاتىر سۋدىراپ.
جاپىراق ٶمٸر
مەن جاپىراقتى جەك كٶرەمٸن. اناشىم كٶشە تازالىقشىسى, ول وسى ايدا قاتتى جٷدەپ كەتتٸ. كٶشەنٸ بٷگٸن سىپىرىپ قويسا, ەرتەسٸ تاعى جاپىراق جاۋىپ قالادى. ەبدەن تيتىقتادى... جاپىراقتى جەك كٶرەمٸن! جاپىراق انامنىڭ ماڭدايىنان اققان تەرٸ سەكٸلدٸ. ەر رەت اعاشتان تٷسكەن جاپىراقتى كٶرسەم انامنىڭ ماڭدايىنان اققان تەر كٶز الدىما كەلەدٸ. جاپىراق اقىندارعا ۇنايتىن شىعار بٸراق ماعان ول جاۋىپ جاتقان سور سيياقتى. شٸركٸن, جاپىراق تٷسپەيتٸن بولساشى!..
