Qytaida koronavirýsty juqtyrǵan taǵy 259 adam anyqtaldy, dep habarlaidy Qytaidyń Ortalyq telearnasy.
CCTV málimeti boiynsha, sońǵy táýlikte 27 provintsiiada (aýdan, qalalar) 259 adam virýs juqtyryp, 8 adam qaza boldy.
«23 qańtar saǵat 24:00-degi jaǵdai boiynsha, 29 provintsiiada (aýdan, qalalar) jańa koronavirýsty barlyǵy 830 adam juqtyrǵany rastalyp, ólimmen aiaqtalǵan 25 oqiǵa tirkeldi», - delingen Qytaidyń Densaýlyq saqtaý jáne gigiena boiynsha ulttyq komissiiasynyń habarlamasynda.
Jańa koronavirýsqa Gonkongta - 2, Makaoda - 2 jáne Taivanda 1 adam shaldyqqany zerthanalyq jaǵdaida rastaldy. Sonymen qatar, Tailand (3), Japoniia (1), Ońtústik Koreia (1), AQSh (1), Vetnam (2) jáne Singapýrde (1) infektsiiany juqtyrǵan toǵyz naýqas tirkeldi. Syrqattarmen bailanysta bolǵan barlyǵy 9507 adam oqshaýlandyryldy: olardyń 1087-i aýrýhanadan shyǵaryldy, al 8420-y áli de karantinde.
