Qytaida áleýmettik jelidegi tikelei efirde burynǵy áieline shabýyl jasap, ony tiridei órtep jibergen er adam ólim jazasyna kesildi. Úkim 23 shildede eldiń ońtústik-batysyndaǵy Sychýan provintsiiasynda shyqqan, - dep habarlaidy Tengrinews.kz tilshisi CNN arnasyna silteme jasap.
Jantúrshigerlik oqiǵa 2020 jylǵy qyrkúiegkte bolǵan.
Basylym málimetinshe, Lama men Tan Lý 2009 jyly nekelesken. Turmystyq zorlyq-zombylyqtan sharshaǵan áieli 2020 jylǵy maýsymynda ajyrasýǵa aryz bergen. Bul sheshimge kelispegen kúieýi burynǵy áieliniń úiine baryp, ústine bir shelek benzin quiyp, sodan keiin ony órtep jiberedi. Qaiǵyly oqiǵa kezinde áiel tikelei efirde otyrǵan.
Keiin Lama aýrýhana reanimatsiiasyna túsip, denesiniń 90 paiyzyn kúiik shalǵany belgili boldy. Týystary onyń denesi "kómir qaldyǵy" siiaqty bolyp qalǵanyn aitty. Al, eki aptadan keiin áiel qaza bolǵan.
Lama áleýmettik jeliniń belsendi qoldanýshysy bolǵan. Tibettik kelinshektiń tik-toktaǵy oqyrmandar sany júz myńnan asady.
Ol platformada optimistik postarymen tanymal bolǵan. Onda Lama aýyldyń tirshiligin kórsetip, taýlarda serýendep, túrli shópter jinap, tamaq daiyndap, fonogrammamen ánder oryndaǵan. Ol munyń bárin Tibettiń ulttyq kostiýminde jáne makiiajsyz túsirgen.
Alaida, oqyrmandar onyń burynǵy kúieýinen qysym kórip júrgenin bilmegen.
