Qytaida barlyǵy 40171 adamǵa koronovirýs juqqan. Senbi kúni Dúniejúzilik densaýlyq saqtaý (DDSU) uiymy qaterli aýrýǵa shaldyqqandar sany birshama turaqtalǵanyn habarlaǵan edi.
DDSU málimetinshe, Qytaidan ózge 24 elde virýs juqtyrǵan bolýy múmkin degen kúdikke ilingen adamdar bar. Olardyń 300-inde virýs anyqtalyp, bir adam qaitys bolǵan.
Qytai biligi byltyr jeltoqsannyń aiaǵynda alǵash ret koronovirýs týraly habarlap, qoǵamdy eskertpek bolǵan dárigerdiń óliminen keiin synǵa qaldy.
34 jastaǵy oftalmolog Li Venlian naýqasty emdeý kezinde virýs juqtyryp, 7 aqpanda kóz jumǵan.
Qytai biligi karantin jariialap, infektsiianyń taralyp ketpeýi úshin iri qalalardy oqshaýlap jatyr.
Buǵan qosa, 9 aqpanda Japoniianyń Iokogama portynda turǵan Diamond Princess lainerindegi Ýkrain azamatynan da koronovirýs anyqtalǵan. Ýkraina densaýlyq saqtaý ministliginiń habarlaýynsha, ol jergilikti aýrýhanaǵa jatqyzylǵan. Endi 14 kún boiy ol jalǵyz adamdy palatada bolady.
3700-ge jýyq jolaýshysy men ekipaj múshesi bar lainerde virýs juqtyrǵan adam sany 70-ten asqan.
