Qytaida koronavirýstyń jańa túrinen mert bolǵandar sany 1016-ǵa jetti, dep habarlaidy "Ult aqparat".
QHR Densaýlyq saqtaý isteri boiynsha memlekettik komitetiniń habarlaýynsha, ótken táýlikte (10 aqpandaǵy jaǵdai boiynsha) Qytaida koronavirýs juqtyrǵan 2478 adam tirkelip (Hýbei provintsiiasynda – 2097), 108-i ólimmen aiaqtaldy (Hýbei - 103).
Sońǵy málimetter boiynsha, QHR-da indetti juqtyrǵandardyń jalpy sany 42 634 adamǵa jetip, 1016 naýqas qaza tapty. 3996 adam saýyǵyp, aýrýhanadan shyǵaryldy.
Resmi statistiǵa sáikes, epidemiia oshaǵy Hýbei provintsiiasynan basqa aimaqtarda indetti juqtyrý oqiǵasy jetinshi kún qatarynan azaiyp jatyr.
Qazaqstanmen shekaralas Shyńjan-Uiǵyr avtonomdy aýdanynda koronavirýstiń jańa túrin juqtyrǵan 55 naýqas tirkeldi. Onyń ishinde Ile-Qazaq avtonomdy aimaǵynda – 10, aýdannyń ákimshilik ortalyǵy Úrimji qalasynda 20 adam indet juqtyrǵan.
Qazirgi ýaqytta atalǵan aimaqtaǵy 3842 adam dárigerlerdiń turaqty baqylaýynda.
