Qytaida 10 aqpanda koronavirýsqa qarsy vaktsinanyń 40,52 million dozasy egildi. Bul týraly QHR Densaýlyq saqtaý isteri jónindegi memlekettik komitetiniń málimdemesi habarlady.
«2021 jylǵy 9 aqpan, saǵat 24:00-degi jaǵdai boiynsha elde jalpy alǵanda vaktsinanyń 40,52 million dozasy egildi» delingen vedomstvonyń málimdemesinde.
QHR Densaýlyq saqtaý isteri jónindegi memlekettik komitetiniń resmi ókili Mi Fenniń aitýynsha, Qytaida úsh kún boiy qatarynan koronavirýsqa shaldyǵýdyń jańa oqiǵalary anyqtalǵan joq.
Alaida ol Qytaidaǵy Jańa jyl merekesi kezeńinde el ishinde adamdardyń júrip-turýy men kóptep jinalýyna bailanysty epidemiianyń taralý qaýpi ósip jatqanyn eskertip, osyǵan bailanysty «qyraǵy bolýǵa» shaqyrdy.
Eske sala ketsek, Qytaida jańa jyl 12 aqpan, juma kúni bastalady.
