قىتايدا 10 اقپاندا كوروناۆيرۋسقا قارسى ۆاكتسينانىڭ 40,52 ميلليون دوزاسى ەگٸلدٸ. بۇل تۋرالى قحر دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميتەتٸنٸڭ مەلٸمدەمەسٸ حابارلادى.
«2021 جىلعى 9 اقپان, ساعات 24:00-دەگٸ جاعداي بويىنشا ەلدە جالپى العاندا ۆاكتسينانىڭ 40,52 ميلليون دوزاسى ەگٸلدٸ» دەلٸنگەن ۆەدومستۆونىڭ مەلٸمدەمەسٸندە.
قحر دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميتەتٸنٸڭ رەسمي ٶكٸلٸ مي فەننٸڭ ايتۋىنشا, قىتايدا ٷش كٷن بويى قاتارىنان كوروناۆيرۋسقا شالدىعۋدىڭ جاڭا وقيعالارى انىقتالعان جوق.
الايدا ول قىتايداعى جاڭا جىل مەرەكەسٸ كەزەڭٸندە ەل ٸشٸندە ادامداردىڭ جٷرٸپ-تۇرۋى مەن كٶپتەپ جينالۋىنا بايلانىستى ەپيدەمييانىڭ تارالۋ قاۋپٸ ٶسٸپ جاتقانىن ەسكەرتٸپ, وسىعان بايلانىستى «قىراعى بولۋعا» شاقىردى.
ەسكە سالا كەتسەك, قىتايدا جاڭا جىل 12 اقپان, جۇما كٷنٸ باستالادى.
