Qytaida koronavirýs infektsiiasyna qarsy vaktsinanyń 161 mln dozasy egildi. Bul týraly QHR Densaýlyq saqtaý isteri boiynsha memlekettik komitetten málim etti, dep habarlaidy "Ult aqparat".
Sońǵy derekterge sáikes, Qytaida COVID-19-ǵa qarsy vaktsinanyń barlyǵy 161,12 mln dozasy salyndy.
Sonymen qatar senbi kúni Qytaidyń qurlyqtyq bóliginde koronavirýs juqtyrýdyń jergilikti oqiǵalary tirkelmedi. Jeksenbi kúni taratylǵan vedomstvo esebine sáikes, anyqtalǵan barlyq 10 jańa oqiǵa shetelden ákelingen.
Buǵan deiin koronavirýstyń jergilikti oshaǵy retinde tirkelgen Qytaidyń ońtústik-batysyndaǵy Iýnnan provintsiiasy Jýili qalasynda turǵyndardy COVID-19-dyń nýklein qyshqyldaryna testileýdiń úshinshi kezeńi bastaldy. Ekinshi kezeń nátijesi boiynsha 380 myń synamanyń 18-i oń bolyp shyqty.
Sońǵy derekterge sáikes, Iýnnan provintsiiasynyń aýrýhanalarynda koronavirýs rastalǵan – 88 jáne simptomsyz – 39 naýqas emdelýde nemese meditsinalyq baqylaýda jatyr.
