Qytaida koronavirýstyń jańa túrin juqtyryp, pnevmoniia bolyp aýyryp qalǵandar sany 9692 adam boldy. Bul álemdegi SARS koronavirýsynyń epidemiiasynan áldeqaida kóp. Bul týraly QHR Densaýlyq saqtaý máseleleri jónindegi memlekettik komiteti habarlady.
Qazir 213 adam qaitys boldy. Bir kún buryn 7711 adam aýyryp jatyr jáne 170 adam kóz jumdy degen resmi aqparat bolǵan.
30 qańtarǵa qaraǵan túnde densaýlyq saqtaý jónindegi memlekettik komissiiasy 31 provintsiiadan koronavirýstyń jańa túrin juqtyryp, 9692 adamnyń pnevmoniiamen aýyryp qalǵany jáne olardyń ishinde 1527 adam aýyr halde jatqany týraly, 213 adam qaitys bolyp, 171 adam saýyǵyp, aýrýhanadan shyǵarylǵany týraly málimet aldy, - delingen habarlamada.
Sońǵy táýlik ishinde 1982 adam juqtyrǵan. Budan bólek Gonkongta 12 adam, Makaoda 7, Taivanda 9 adam juqtyrǵan.
Sondai-aq koronavirýstyń jańa túrin juqtyrýy múmkin degen kúdikpen 15 238 adam tirkeldi.
