Qytaida koronavirýstyń jańa túrinen kóz jumǵandar sany 1380-ge jetti, dep habarlaidy "Ult aqparat".
Qytaidyń Gigiena jáne densaýlyq saqtaý máseleleri boiynsha memlekettik komitetiniń habarlaýynsha, 13 aqpan saǵat 24:00 boiynsha 31 provintsiiada (avtonomdy aýdandar, ortalyqqa baǵynatyn qalalar) 55 748 koronavirýs juqtyrǵan adam tirkeldi (10 204-i aýyr túri dep baǵalandy), olardyń 6723-i saýyǵyp, 1380-i kóz jumǵan (derekter Hýbei provintsiiasy boiynsha qaitalanǵandyqtan 108-ge qysqardy).
Ótken táýlikte taǵy 5090 adam koronavirýs juqtyryp, 121-i mert boldy.
Sońǵy málimetter boiynsha, Qytaida koronavirýstyń jańa túrin juqtyrǵandardyń jalpy sany 63 851-ge jetti (Hýbei provintsiiasy boiynsha 1043-ke qysqartyldy).
Qazirgi ýaqytta naýqastarmen bailanysta bolǵan 177 984 adam meditsina qyzmetkerleriniń baqylaýynda.
