Qytaida 130 mln jyl burynǵy dinozavrdyń tasqa ainalǵan jumyrtqalary tabyldy, dep habarlaidy "Ult aqparat".
ChinaNews agenttiginiń habarlaýynsha, 25 jeltoqsanda Qytaidyń Tsziansi provintsiiasy Daiýi aýdanyndaǵy qurylys alańynan jumyrtqaǵa uqsas tastar tabyldy. Mamandar bul tas kesegindegi 30-ǵa jýyq pishini birtektes sopaqsha tastar dinozavrdyń tasqa ainalǵan jumyrtqalary degen qortyndy shyǵardy.
Mádeni eskertkishterdi qorǵaý qyzmetkerleriniń alǵashqy saraptaý qortyndysy boiynsha, bul Oviraptor dinozavrynyń bir uiadaǵy jumyrtqasy. Osy kúnge deiin óte jaqsy saqtalǵan. Sondai-aq, mamandar jumyrtqany shamamen 130 million jyl burynǵy Mezozoi dáýiriniń Bor kezeńine tieseli degen sheshimge kelip otyr.
