Foto: depositphotos.com
Prezident Qasym-Jomart Toqaev Úkimettiń keńeitilgen otyrysynda ozyq tehnologiialar boiynsha Qytaidyń tájiribesin úirenýimiz kerektigin aitty, - dep habarlaidy Ult.kz.
Memleket basshysy sýdy únemdeýdi qaitalap aitty. Toqaevtyń aitýynsha:
"Qoǵamda resýrstardy únemdep paidalaný mádenietin qalyptastyrý mańyzdy ekenin talai jyldan beri aityp kelemiz. Biraq azamattarǵa úndeý tastaý jetkiliksiz. Budan bólek, resýrstardy tutynýdyń áleýmettik normalaryn engizý qajet. Úlgi etýge bolatyn jaqsy mysaldar bar. Mysaly, dál osyndai ustanym ai saiyn sýdy segiz paiyzǵa jýyq únemdeýge múmkindik berdi. Bul asa mańyzdy. Sebebi Qazaqstanda ǵana emes, búkil Ortalyq Aziiada sý tapshylyǵy kúsheiip tur. Sondyqtan sýdy únemdeitin tehnologiialardy paidalaný máselesi óte ózekti. Kórshi Qytai elinde álemdik deńgeidegi ozyq tehnologiialar bar, olar tájiribesin bólisýge daiyn. Biraq bizdiń jaq qulyqsyz, onyń ústine batyl sheshimder joq. Úkimetke osy sharýamen belsendi ainalysyp, 1 maýsymǵa qarai jumys barysy týraly esep berýdi tapsyramyn", - dedi Prezident.
