فوتو: depositphotos.com
پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا وزىق تەحنولوگييالار بويىنشا قىتايدىڭ تەجٸريبەسٸن ٷيرەنۋٸمٸز كەرەكتٸگٸن ايتتى, - دەپ حابارلايدى Ult.kz.
مەملەكەت باسشىسى سۋدى ٷنەمدەۋدٸ قايتالاپ ايتتى. توقاەۆتىڭ ايتۋىنشا:
"قوعامدا رەسۋرستاردى ٷنەمدەپ پايدالانۋ مەدەنيەتٸن قالىپتاستىرۋ ماڭىزدى ەكەنٸن تالاي جىلدان بەرٸ ايتىپ كەلەمٸز. بٸراق ازاماتتارعا ٷندەۋ تاستاۋ جەتكٸلٸكسٸز. بۇدان بٶلەك, رەسۋرستاردى تۇتىنۋدىڭ ەلەۋمەتتٸك نورمالارىن ەنگٸزۋ قاجەت. ٷلگٸ ەتۋگە بولاتىن جاقسى مىسالدار بار. مىسالى, دەل وسىنداي ۇستانىم اي سايىن سۋدى سەگٸز پايىزعا جۋىق ٷنەمدەۋگە مٷمكٸندٸك بەردٸ. بۇل اسا ماڭىزدى. سەبەبٸ قازاقستاندا عانا ەمەس, بٷكٸل ورتالىق ازييادا سۋ تاپشىلىعى كٷشەيٸپ تۇر. سوندىقتان سۋدى ٷنەمدەيتٸن تەحنولوگييالاردى پايدالانۋ مەسەلەسٸ ٶتە ٶزەكتٸ. كٶرشٸ قىتاي ەلٸندە ەلەمدٸك دەڭگەيدەگٸ وزىق تەحنولوگييالار بار, ولار تەجٸريبەسٸن بٶلٸسۋگە دايىن. بٸراق بٸزدٸڭ جاق قۇلىقسىز, ونىڭ ٷستٸنە باتىل شەشٸمدەر جوق. ٷكٸمەتكە وسى شارۋامەن بەلسەندٸ اينالىسىپ, 1 ماۋسىمعا قاراي جۇمىس بارىسى تۋرالى ەسەپ بەرۋدٸ تاپسىرامىن", - دەدٸ پرەزيدەنت.
