Qytaidyń Búkilqytailyq halyq ókilderi jinalysy Turaqty komitetiniń tóraǵasy Li Chjanshý Elbasy Nursultan Nazarbaevtyń halyqaralyq deńgeidegi joǵary bedelin jáne onyń elimizdegi tarihi róli týraly aitty. Bul týraly Májilistiń baspasóz qyzmeti habarlady.
Konferentsiia qatysýshylaryna sóz arnaǵan Li Chjanshý Tuńǵysh Prezident, Elbasy Nursultan Nazarbaevtyń memleketti qalyptastyrý, onyń saiasi júiesin jetildirý jáne turaqtylyqty qamtamasyz etý jolyndaǵy eren eńbegine toqtaldy.
«Tuńǵysh Prezident Nazarbaev - halyqaralyq qoǵamdastyqtaǵy bedeldi saiasatker bolýmen qatar, qytai halqynyń tileýles dosy retinde uzaq ýaqyttan beri qytailyq-qazaqstandyq tatý kórshilik jáne dostyq yntymaqtastyqty nyǵaityp, Qytaida joǵary bedelge ie bolyp keledi» - dedi Qytai Parlamentiniń cpikeri.
Li Chjanshý qos el arasyndaǵy parlamentaralyq ózara is-qimyl deńgeiin joǵary baǵalap, onyń eki el halqyna da tiimdi ekenine toqtaldy.
Sonymen qatar, Turaqty komitettiń tóraǵasy QHR Búkilqytailyq halyq ókilderi jinalysynyń Qytai men Qazaqstan arasyndaǵy strategiialyq áriptestik jan-jaqty damytý maqsatynda QR Parlamenti Májilisimen yntymaqtastyqty tereńdetýge daiyn ekendigin jetkizdi.
.jpeg)