Foto: Ortcom.kz
29 mamyrda Sian qalasynan «Sian – Almaty» baǵytyndaǵy alǵashqy týristik poiyz jolǵa shyǵady. Bul bastama «Ortalyq Aziia – Qytai» II sammiti aiasynda uiymdastyrylyp otyr, dep habarlaidy Ult.kz.
Poiyz Almatyǵa 31 mamyrda jetedi dep josparlanǵan. Qonaqtar elimizdiń ońtústik astanasynda 5 kún bolady. Delegatsiia quramynda 250-den astam adam bar: memlekettik organdardyń, biznes, ǵylym, mádeniet, meditsina jáne sport salasynyń ókilderi men týrister. Delegatsiiany Sian qalasy ákiminiń orynbasary Siao Tsi bastap keledi.
Qonaqtar úshin arnaiy mádeni jáne iskerlik baǵdarlama daiyndalǵan:
– resmi qarsy alý rásimi;
– «Shensi – Almaty» aptalyǵynyń ashylýy;
– jármeńkeler, simpoziýmdar men iskerlik kezdesýler;
– Almatynyń kórikti jerlerine ekskýrsiialar.
Týristik poiyzdyń keri baǵyttaǵy sapary 5 maýsymǵa josparlanǵan.
Bul joba Qytai Halyq Respýblikasynyń Memlekettik damý jáne reformalar komitetiniń bastamasymen, QR Týrizm jáne sport ministrligi, «Kazakh Tourism» ulttyq kompaniiasy, «Qazaqstan Temir Joly» ulttyq kompaniiasy, Syrtqy ister ministrligi, Kólik ministrligi, Shekara qyzmeti, Ishki ister ministrligi, Almaty qalasynyń Týrizm basqarmasy jáne otandyq týroperatorlardyń qoldaýymen júzege asyrylýda.
