CC BY-SA 4.0 / Wikipedia/Panpanchik
Qytailyq investorlar Qazaqstanda kanaldardaǵy sýdy esepteitin avtomattandyrý tehnologiialarynyń óndirisin iske qosýǵa nietti, dep habarlaidy sý resýrstary jáne irrigatsiia ministrligi.
Ministr Nurjan Nurjigitov Qytaidyń iri kásiporyndary ókilderinen quralǵan delegatsiiamen kezdesti. Delegatsiiany Yellow River Engineering Consulting kompaniiasynyń bas ekonomikalyq menedjeri In Deven bastap keldi.
Kezdesýde Qazaqstanda jańa gidrotehnikalyq nysandar salý jáne irrigatsiialyq kanaldardy avtomattandyrý máseleleri talqylandy. Sondai-aq taraptar sý sharýashylyǵy salasyna qytailyq investitsiia tartý jóninde pikir almasty.
️"Biz 2030 jylǵa deiingi sý resýrstaryn basqarý júiesin damytý tujyrymdamasy aiasyndaǵy jobalarǵa sheteldik seriktesterdi belsendi tartyp jatyrmyz. Qujatta kórsetilgen mańyzdy kórsetkishterdiń biri – keminde 3 500 shaqyrym kanaldy jańǵyrtý jáne tsifrlandyrý. Qazirgi zamanǵy jabdyqty óz elimizde shyǵarý sý sharýashylyǵyn tsifrlandyrý qarqynyn jedeldetýge múmkindik beredi", – dedi Nurjan Nurjigitov.
Atap aitqanda, Qytai kásipkerleri Qazaqstannyń ońtústiginde irrigatsiialyq kanaldarda sýdy esepke alýdy avtomattandyrý jáne tsifrlandyrý úshin tehnologiialar óndirisin iske qosýǵa daiyn ekenderin bildirdi. Sondai-aq qytailyq kompaniialar qazaqstandyq sý sharýashylyǵy salasynyń mamandaryna biliktilik kýrstaryn uiymdastyrady.
