CC BY-SA 4.0 / Wikipedia/Panpanchik
قىتايلىق ينۆەستورلار قازاقستاندا كانالدارداعى سۋدى ەسەپتەيتٸن اۆتوماتتاندىرۋ تەحنولوگييالارىنىڭ ٶندٸرٸسٸن ٸسكە قوسۋعا نيەتتٸ, دەپ حابارلايدى سۋ رەسۋرستارى جەنە يرريگاتسييا مينيسترلٸگٸ.
مينيستر نۇرجان نۇرجٸگٸتوۆ قىتايدىڭ ٸرٸ كەسٸپورىندارى ٶكٸلدەرٸنەن قۇرالعان دەلەگاتسييامەن كەزدەستٸ. دەلەگاتسييانى Yellow River Engineering Consulting كومپانيياسىنىڭ باس ەكونوميكالىق مەنەدجەرٸ ين دەۆەن باستاپ كەلدٸ.
كەزدەسۋدە قازاقستاندا جاڭا گيدروتەحنيكالىق نىساندار سالۋ جەنە يرريگاتسييالىق كانالداردى اۆتوماتتاندىرۋ مەسەلەلەرٸ تالقىلاندى. سونداي-اق تاراپتار سۋ شارۋاشىلىعى سالاسىنا قىتايلىق ينۆەستيتسييا تارتۋ جٶنٸندە پٸكٸر الماستى.
️"بٸز 2030 جىلعا دەيٸنگٸ سۋ رەسۋرستارىن باسقارۋ جٷيەسٸن دامىتۋ تۇجىرىمداماسى اياسىنداعى جوبالارعا شەتەلدٸك سەرٸكتەستەردٸ بەلسەندٸ تارتىپ جاتىرمىز. قۇجاتتا كٶرسەتٸلگەن ماڭىزدى كٶرسەتكٸشتەردٸڭ بٸرٸ – كەمٸندە 3 500 شاقىرىم كانالدى جاڭعىرتۋ جەنە تسيفرلاندىرۋ. قازٸرگٸ زامانعى جابدىقتى ٶز ەلٸمٸزدە شىعارۋ سۋ شارۋاشىلىعىن تسيفرلاندىرۋ قارقىنىن جەدەلدەتۋگە مٷمكٸندٸك بەرەدٸ", – دەدٸ نۇرجان نۇرجٸگٸتوۆ.
اتاپ ايتقاندا, قىتاي كەسٸپكەرلەرٸ قازاقستاننىڭ وڭتٷستٸگٸندە يرريگاتسييالىق كانالداردا سۋدى ەسەپكە الۋدى اۆتوماتتاندىرۋ جەنە تسيفرلاندىرۋ ٷشٸن تەحنولوگييالار ٶندٸرٸسٸن ٸسكە قوسۋعا دايىن ەكەندەرٸن بٸلدٸردٸ. سونداي-اق قىتايلىق كومپانييالار قازاقستاندىق سۋ شارۋاشىلىعى سالاسىنىڭ ماماندارىنا بٸلٸكتٸلٸك كۋرستارىن ۇيىمداستىرادى.
